وفاقی وزیر جنید انوار چوہدری سے روانڈا کے وزیر خارجہ کی ملاقات، پاکستان اور روانڈا کے درمیان شپنگ لائن قائم کرنے پر تبادلہ خیال

پیر 21 اپریل 2025 21:50

اسلام آباد (اُردو پوائنٹ اخبارتازہ ترین - اے پی پی۔ 21 اپریل2025ء) وفاقی وزیر بحری امور جنید انوار چوہدری سے روانڈا کے وزیر خارجہ اولیور جے پی ندہونگیریہی نے پیر کو یہاں ملاقات کی ۔ اس موقع پر وفاقی وزیر جنید انوار چوہدری نے روانڈا کے وزیر خارجہ کو پاکستان کے سمندری راستوں کی اہمیت کے بارے آگاہ کیا۔

(جاری ہے)

دونوں رہنماؤں کے درمیان سمندری تجارت ،اقتصادی تعلقات سمیت پاکستان اور روانڈا کے درمیان شپنگ لائن قائم کرنے پر بھی تبادلہ خیال کیا گیا۔

جنید انوار چوہدری نے کہا کہ روانڈا کے ساتھ سمندری تجارت میں تعاون کو مستحکم کرنا چاہتے ہیں۔ وفاقی وزیر بحری امور نے دونوں ممالک کے مابین مضبوط معاشی تعلقات کی اہمیت پر زور دیا۔ روانڈا کے وزیر خارجہ نے پاکستان کی بحری ترقی کے شعبے میں تعاون بڑھانے پر زور دیا۔ دونوں رہنماؤں نے مختلف شعبوں میں باہمی تعلقات بڑھانے کے عزم کا بھی اظہار کیا۔