وزیراعلیٰ پنجاب کا ویژن ڈرگ فری پنجاب،راولپنڈی پولیس کا منشیات کے خلاف موثرکریک ڈاؤن

ہفتہ 12 جولائی 2025 21:57

راولپنڈی(اُردو پوائنٹ اخبارتازہ ترین - این این آئی۔ 12 جولائی2025ء)وزیر اعلیٰ پنجاب کا ویژن ڈرگ فری پنجاب،سی پی او سید خالد ہمدانی کی ہدایت پر راولپنڈی پولیس کا منشیات کے خلاف موثر کریک ڈاؤن کیا گیا، 2 افغان باشندوں سمیت 6 منشیات سپلائرز کو گرفتار کر کے 11 کلو سے زائد منشیات برآمد کر لی۔

(جاری ہے)

تفصیلات کے مطابق روات پولیس نے دومنشیات سپلائرز کو حراست میں لے کر 4 کلو 150 گرام آئس برآمد کی، دونوں منشیات سپلائرز افغان باشندے ہیں، وارث خان پولیس نے دو افراد کو حراست میں لے کر 4 کلو 960 گرام چرس برآمد کی، صدر واہ پولیس نے دو افراد کو حراست میں لے کر 2 کلو 200 گرام چرس برآمد کر کے الگ الگ مقدمات درج کر لیے، سی پی او سید خالد ہمدانی کا کہنا تھا کہ منشیات کے ناسور کے خاتمے کے لیے تمام اقدامات کیے جا رہے ہیں۔