وزیراعلی پنجاب کا شاندار اقدام،پاکستان کی پہلی باقاعدہ رائٹ مینجمنٹ پولیس فورس قائم

لاہور(اُردو پوائنٹ اخبارتازہ ترین - این این آئی۔ 12 جولائی2025ء)وزیراعلی پنجاب مریم نوازشریف نے شاندار اقدام اٹھاتے ہوئے، عوام کے جان ومال اور سرکاری املاک کے تحفظ کے لئے پاکستان کی پہلی باقاعدہ رائٹ مینجمنٹ پولیس فورس قائم کردی گئی ہی-وزیراعلی مریم نوازشریف کی ہدایت پرقائم رائٹ مینجمنٹ پولیس کی ٹریننگ سنٹر فاروق آباد میں خصوصی ٹریننگ مکمل ہوگئی ہی-پنجاب کی پہلی رائٹ مینجمنٹ پولیس ابتدائی طورپر 5ہزار اہلکاروں پر مشتمل ہوگی -پہلے بیج میں شامل 3ہزار رائٹ مینجمنٹ پولیس اہلکاروں کی ٹریننگ مکمل ہونے پر- پولیس ٹریننگ سنٹر فاروق آباد میں پاؤسنگ آؤٹ تقریب منعقد ہوئی-ٹریننگ مکمل کرنے والے جوانوں نے مشتعل مظاہرین کو کنٹرول کرنے کے لئے مشقوں کا شاندار مظاہرہ کیا -رائٹ مینجمنٹ پولیس کے 3ہزار جوانوں کی ریجنل ہیڈ کوارٹر میں تعیناتی ہو گی، ہر ریجن میں 250اہلکار متعین ہوں گے -رائٹ مینجمنٹ پولیس کو مختلف اقسام کے ہجوم کو کنٹرول کرنے کی خصوصی تربیت دی گئی-رائٹ مینجمنٹ پولیس ہجوم کو املاک کو نقصان سے بچانے کے لئے انگیج بھی کرے گی -رائٹ مینجمنٹ پولیس نجی اور سرکاری املاک پر پلاننگ کر کے حملہ کرنے والے مظاہرین کو کنٹرول کرسکے گی -عوام میں خوف و ہراس پیدا کرنے کے لئے جتھوں کی صورت میں حملہ کرنے والوں کو پروفیشنل طریقے سے رائٹ مینجمنٹ پولیس ہینڈل کرے گی- مشتعل مظاہرین کے حملوں سے نہ صرف املاک کو نقصان پہنچایا جاتا ہے بلکہ عالمی سطح پر پاکستان کا امیج بھی متاثرہوتا ہے -وزیراعلی مریم نوازشریف کی زیرصدارت اجلاس میں صوبائی کابینہ نے رائٹ مینجمنٹ پولیس فورس قائم کرنے کی منظوری دی تھی -رائٹ مینجمنٹ پولیس فورس میں جسمانی طورپر متحرک، مستعد اور چست اہلکاروں کوشامل کیاگیا ہے -رائٹ مینجمنٹ پولیس فور س کے پہلے بیج کوپولیس ماہرین نے 8ہفتوں کی خصوصی پروفیشنل ٹریننگ دی ہی-رائٹ مینجمنٹ پولیس فورس کو امریکہ، ترکی،یورپ اور دیگر ترقی یافتہ ممالک کے ٹریننگ مینول کے مطابق تربیت دی گئی ہے -ترکی سے تربیت یافتہ ماہرین نے رائٹ مینجمنٹ پولیس کو خصوصی ٹریننگ دی ہی-رائٹ مینجمنٹ پولیس فورس کومشتعل ہجوم کوکنٹرول کرنے کے خصوصی آلات اور سازو سامان بھی مہیا کیا گیا-رائٹ مینجمنٹ پولیس فورس 250اہلکاروں پر مشتمل ہے ہر ٹیم میں 15 سب ٹیمیں بھی قائم کی گئیں ہیں -رائٹ مینجمنٹ پولیس میں فرسٹ ایڈ ٹیم، ڈرون ٹیم،کراؤڈ انگیجمنٹ ٹیم، مذاکراتی ٹیم، کراؤڈ کنٹرول ٹیم شامل ہے -رائٹ مینجمنٹ پولیس میں مظاہرین کی گرفتاری کے لئے خصوصی ٹیم، متاثرہ مقام سے انخلا کے لئے خصوصی ٹیم،کے نائن (ڈاگ ہینڈلر)،سنائپر ٹیم او ردیگر پروفیشنل بھی شامل ہیں -رائٹ مینجمنٹ پولیس کو پیشہ وارانہ صلاحیت کے لحاظ سے خصوصی الاؤنس بھی دیا جائے گا -پاسنگ آؤٹ پریڈ میں ایڈیشنل آئی جی خرم شکور، ڈی آئی جی رائٹ مینجمنٹ اسد سرفراز اور دیگر افسران نے شرکت کی-پاسنگ آؤٹ پریڈ میں انسپکٹر حافظ خرم شہزاد، سب انسپکٹر شان علی، اسسٹنٹ سب انسپکٹر سجاد ریاض، شہزاد حسین، ہیڈ کانسٹیبل نعیم نیاز کو شاندار کارکردگی پر انعام سے نوازا گیا -وزیراعلی مریم نوازشریف نے پیغام میں کہا کہ عوام کے جان ومال کا تحفظ پہلی ترجیح ہی-رائٹ مینجمنٹ پولیس فورس کا قیام خوش آئند ہے -رائٹ مینجمنٹ پولیس فورس سکواڈ کے قیام سے سرکاری اور نجی املا ک کوپہنچنے والے نقصان کو روکاجاسکے گا -وزیراعلی مریم نوازشریف نے کہاکہ مشتعل ہجوم کو بحفاظت کنٹرول کرنے سے حالات کوخراب ہونے سے بروقت بچانا ممکن ہوگا -