آئندہ ماہ سے (ق) لیگ کی پنجاب بھر میں تنظیم نو کیلئے ہدایات جاری

مالی طور پر مضبوط اور سیاسی اثر و رسوخ رکھنے والوں کو عہدے دینے کا فیصلہ

منگل 22 اپریل 2025 16:34

لاہور(اُردو پوائنٹ اخبارتازہ ترین - این این آئی۔ 22 اپریل2025ء)پاکستان مسلم لیگ (ق)کی قیادت نے آئندہ ماہ سے پنجاب بھر میں تنظیم نو کی ہدایات جاری کردیں۔انٹرا پارٹی انتخابات کے بعد پنجاب بھر کے اضلاع کی تنظیمیں ختم ہو چکی ہیں، انٹرا پارٹی انتخابات کے بعد قیادت نے نئی تنظیمیں بنانے کا فیصلہ کیا تھا۔

(جاری ہے)

(ق)لیگ کی قیادت نے پنجاب کے نو منتخب جنرل سیکرٹری چوہدری شافع حسین کو تنظیم نو کا ٹاسک سونپا۔ بتایا گیا ہے کہ مسلم لیگ (ق) نے مالی طور پر مضبوط اور سیاسی اثر و رسوخ رکھنے والوں کو عہدے دینے کا فیصلہ کیا ہے۔ہدایات میں کہا گیا ہے کہ تنظیمی ڈھانچے میں نوجوانوں کو بھی حصہ دیا جائے، لاہور سمیت پنجاب بھر کی تنظیم نو ایک ماہ میں مکمل کی جائے۔