شاہ رخ خان کے نقش قدم پر چلتے ہوئے عامرخان نے بھی اپنا پالی ہل گھرخالی کردیا

منگل 22 اپریل 2025 23:16

ممبئی (اُردو پوائنٹ اخبارتازہ ترین - این این آئی۔ 22 اپریل2025ء)بالی ووڈ کنگ شاہ رخ خان کے اپنے گھر منت سے نکلنے کے چند دن بعد ہی سپر سٹار عامر خان نے بھی اپنا پالی ہل گھر خالی کرنے کا فیصلہ کر لیا ہے۔بھارتی میڈیا رپورٹس کے مطابق شاہ رخ خان کے بعد اب عامر خان بھی باندرہ میں موجود پالی ہل بلڈنگ میں اپنے گھر سے نکل جائیں گے۔میڈیا رپورٹس کے مطابق شاہ رخ خان نے حال ہی میں اپنے مشہور بنگلے منت کو تزئین و آرائش کے لیے چھوڑا تھا جبکہ عامر خان کی رہائشی بلڈنگ کی بھی بڑے پیمانے پر ری کنسٹرکشن اور رینوویشن ہونے جا رہی ہے۔

(جاری ہے)

ایک رپورٹ میں کہا گیا ہے کہ عامر خان بھی ممبئی کے علاقے باندرہ میں واقع بلڈنگ پالی ہل میں اپنا گھر جلد خالی کرنے کا ارادہ رکھتے ہیں کیونکہ کنیا کوآپریٹو ہاسنگ سوسائٹی اس بلڈنگ کی دوبارہ تزئین و آرائش کرنا چاہتی ہے۔بھارتی میڈیا کے مطابق عامر خان اس عمارت میں کئی اپارٹمنٹس کے مالک ہیں، بلڈنگ کی انتظامیہ دیگر رہائشیوں سمیت عامر خان کو بھی ری ڈیولپمنٹ کے ری ہیب سیکشن میں جگہ دے گی۔دوسری جانب بلاک بسٹر فلم تارے زمین پر کے اداکار نے حال ہی میں باندرہ کی پوش پالی ہل بلڈنگ کے پڑوس میں ایک نئی جائیداد خریدی ہے۔عامر خان کا یہ نیا اپارٹمنٹ 9کروڑ روپے سے زائد مالیت کا ہے۔