سینیٹ اجلاس، پوپ فرانسس کی وفات پر ایک منٹ کی خاموشی

پوپ نے ایسٹر کے موقع پر فلسطین کیلئے بات کی، ساری عمر امن کیلئے کام کیا، اقلیتی رکن طاہر سندھو

منگل 22 اپریل 2025 21:45

اسلام آباد (اُردو پوائنٹ اخبارتازہ ترین - این این آئی۔ 22 اپریل2025ء)سینیٹ اجلاس میں کیتھولک میسیحوں کے روحانی پیشوا پوپ فرانسس کی وفات پر ایک منٹ کی خاموشی اختیار کی گئی۔منگل کو سینیٹ کا اجلاس چیئرمین یوسف رضا گیلانی کی زیر صدارت شروع ہوا۔ چیئرمین سینیٹ نے پینل چیئر کیلئے سینیٹر شیری رحمان ، سینیٹر عرفان صدیقی اور سینیٹر سلیم مانڈی والا کو نامزد کیا ۔

(جاری ہے)

اجلاس میں سینیٹر پلوشہ خان کے والد، سینیٹر فیصل سبز واری کی والدہ روڈ حادثے میں پاکستانی عمرہ زائرین اور شہید سیکورٹی اہلکاروں کی مغفرت کے لئے دعا کی گئی۔اجلاس میں کیتھولک میسیحوں کے روحانی پیشوا پوپ فرانسس کی وفات پر ایک منٹ کی خاموشی اختیار کی گئی۔سینیٹ کے اقلیتی رکن خلیل طاہر سندھو نے کہا کہ پوپ نے ایسٹر کے موقع پر فلسطین کیلئے بات کی، ساری عمر امن کیلئے کام کیا۔