آسکر ایوارڈز 2026 کی تاریخ کا اعلان کردیا گیا

آسکر ایوارڈز 2026 کی رنگا رنگ تقریب شائقین 15 مارچ 2026 اتوار کے روز دیکھ سکیں گے

بدھ 23 اپریل 2025 10:50

لاس اینجلس (اُردو پوائنٹ اخبارتازہ ترین - این این آئی۔ 23 اپریل2025ء)فلمی دنیا کے سب سے بڑے اور معتبر آسکر ایوارڈز 2026 کی 98 ویں تقریب کی تاریخ کا اعلان کردیا گیا ہے۔غیر ملکی ذرائع ابلاغ کے مطابق آسکر ایوارڈز 2026 کی رنگا رنگ تقریب شائقین 15 مارچ 2026 اتوار کے روز دیکھ سکیں گے۔فوٹو اینڈ ویڈیو شیئرنگ پلیٹ فارم انسٹاگرام پر دی اکیڈمی نے اس حوالے سے پوسٹ شیئر کرتے ہوئے کہا کہ نامزدگیاں 22 جنوری 2026 کو سامنے آئیں گی۔

دی اکیڈمی کی جانب سے 98 ویں آسکرز کے لیے قواد و ضوابط میں اہم تبدیلیاں کردی گئی ہیں، جن کے مطابق اب ووٹرز کو اپنی پسندیدہ فلم کے لیے ووٹ کرنے سے قبل متعلقہ کیٹیگری کی دیگر تمام نامزد فلمیں بھی دیکھنا ہوں گی، تاکہ ووٹر مکمل آگاہی اور دیانتداری کے ساتھ اپنا ووٹ دے سکیں۔

(جاری ہے)

میڈیا رپورٹس کہا گیا ہے کہ فلمی حلقوں کا دیرینہ مطالبہ بھی پورا کردیا گیا ہے، آسکرز 2026 کے لیے ایک نئی کیٹیگری اچیومنٹ ان کاسٹنگ بھی متعارف کروائی گئی ہے۔

واضح رہے کہ آسکر ایوارڈ یافتہ ہسپانوی اداکار جیویئر بارڈیم نے اسرائیل کو انسانیت کے خلاف جرائم کا مرتکب قرار دیا تھا۔انہوں نے غزہ کی پٹی میں انسانیت کے خلاف جرائم کے ارتکاب پر اسرائیلی حکومت کی مذمت کرتے ہوئے عالمی برادری پر زور دیا کہ وہ ذمہ داروں کا محاسبہ کرے۔بارڈیم نے اسپین میں سان سیباسٹین فلم فیسٹیول کے ڈونوسٹیا ایوارڈ میں صحافیوں سے گفتگو میں کہا کہ اسرائیلی قیادت، اپنی انتہائی بنیاد پرست حکومت کے تحت، انسانیت اور بین الاقوامی قانون کے خلاف جرائمکا ارتکاب کر رہی ہے۔

انہوں نے کہا کہ فلسطینی مزاحمتی گروپ حماس کی قیادت میں 7 اکتوبر کے حملے فلسطینیوں کی اجتماعی سزا کا جواز پیش نہیں کر سکتے کیونکہ انہوں نے اسرائیلی حملوں کو مکمل طور پر ناقابل قبول، خوفناک اور غیر انسانیقرار دیا۔آسکر ایوارڈ یافتہ اداکار نے ممالک، خاص طور پر امریکہ اور برطانیہ پر بھی زور دیا کہ وہ اسرائیل کے لیے اپنی غیر مشروط حمایتپر نظر ثانی کریں اور بین الاقوامی فوجداری عدالت(آئی سی سی)پر زور دیا کہ وہ ذمہ داروں کا احتساب کرے۔