امارات میں مشترکہ مشقوں ڈیزرٹ فلیگ 2025 کا آغاز، سعودی عرب کی شرکت

مشقوں کی تیاریاں مکمل کرلی گئی ہیں جبکہ حکمت عملی کو انتہائی مہارت سے مرتب کیا گیا ہے،فیصل المروانی

بدھ 23 اپریل 2025 12:35

ریاض(اُردو پوائنٹ اخبارتازہ ترین - این این آئی۔ 23 اپریل2025ء)سعودی عرب، امارات و دیگر ممالک کی مشترکہ فضائی وعسکری مشقوں ڈیزرٹ فلیگ 2025 کا آغاز امارات کے الظفرہ ایئر بیس سے کردیا گیا ہے۔عرب ٹی وی کے مطابق مشترکہ مشقوں میں سعودی رائل ایئراینڈ ڈیفنس فورسز و دیگر دوست و برادر ممالک کی فورسز شریک ہیں جو کئی ہفتوں تک جاری رہیں گی۔

(جاری ہے)

سعودی ایئرفورس کے گروپ کمانڈر لیفٹیننٹ کرنل پائلٹ فیصل المروانی مشقوں کے حوالے سے بتایاگیا مشقوں کی تیاریاں مکمل کرلی گئی ہیں جبکہ حکمت عملی کو انتہائی مہارت سے مرتب کیا گیا ہے جس کے لیے دفاعی اور حملوں کی اسٹراٹیجی سے بھی شرکا کو مطلع کردیا گیا۔

کرنل المروانی نے مزید بتایا سعودی فضائیہ کے 6 فائٹر ایف 15 سی اپنے پورے یونٹ کے ساتھ شریک ہے جبکہ مشقوں میں حقیقت سے قریب ترین ماحول کو بنایا گیا ہے تاکہ مشقوں میں شامل جوانوں کی حقیقی تربیت ہو۔مشقوں میں سعودی عرب، امارات، قطر، بحرین، ترکیہ، امریکہ ، فرانس ،جنوبی کوریا، برطانیہ، اسٹریلیا، انڈیا اور جرمنی کی فورسز شرکت کررہی ہیں۔