ڈی جی والڈ سٹی لاہور اتھارٹی کامران لاشاری عہدے سے مستعفی، استعفیٰ مریم نواز کو بھجوا دیا

کامران لاشاری نے اپنے عہدے سے استعفیٰ دینے کی تصدیق کردی ، کچھ ذاتی وجوہات کی وجہ سے میں یہ ذمہ داری جاری نہیں رکھ سکتا، میں نے پوری امانتداری سے کوشش کی کہ پاکستان کے کلچر کو فروغ دیا جائے، استعفیٰ کا متن

فیصل علوی جمعرات 24 اپریل 2025 12:45

ڈی جی والڈ سٹی لاہور اتھارٹی کامران لاشاری عہدے سے مستعفی، استعفیٰ ..

لاہور(اردوپوائنٹ اخبار تازہ ترین۔24اپریل 2025)ڈی جی والڈ سٹی لاہور اتھارٹی کامران لاشاری اپنے عہدے سے مستعفی ہوگئے، استعفیٰ وزیراعلیٰ پنجاب مریم نواز کو بھجوا دیا، کامران لاشاری نے اپنے عہدے سے استعفیٰ دینے کی تصدیق کردی ہے،وزیراعلیٰ پنجاب کو بھجوائے گئے اپنے استعفیٰ میں ان کا کہنا ہے کہ کچھ ذاتی وجوہات کی وجہ سے میں یہ ذمہ داری جاری نہیں رکھ سکتا۔

میڈیا رپورٹس کے مطابق چیئرپرسن والڈ سٹی وزیر اعلیٰ پنجاب مریم نواز کو بھجوائے گئے استعفیٰ میںکامران لاشاری نے لکھا ہے کہ میں نے پوری امانتداری سے کوشش کی کہ پاکستان کے کلچر کو فروغ دیا جائے۔ کلچر کے ذریعے دنیا کو پاکستان کا مثبت چہرہ دکھایا جائے تاہم کچھ ذاتی وجوہات کی وجہ سے اب میں یہ ذمہ داری جاری نہیں رکھ سکتا۔

(جاری ہے)

کامران لاشاری کا اپنے استعفیٰ میں یہ بھی کہنا ہے کہ میرے لئے بہت ہی عزت کی بات ہے کہ میں نے ڈی جی والڈ سٹی کی ذمہ دارایاں نبھائیں۔

میں نے پوری ایمانداری سے یہ ذمہ داریاں نبھائی ہیں ۔کامران لاشاری کا اپنے استعفیٰ میں مزید کہنا تھا کہ میں اپنے عہدے سے مستعفی ہو رہا ہوں اس لئے بطور ڈائریکٹر جنرل والڈ سٹی میرا استعفیٰ منظور کیا جائے۔میں سیکشن 6 والڈ سٹی ایکٹ 2012 کے تحت اپنی ذمہ داریوں سے مستعفی ہو رہا ہوں۔ذرائع کا یہ بھی کہنا ہے کہ کامران لاشاری نے مغلیہ دور کے شاہی قلعہ، شالا مالار باغ سمیت تاریخی عمارتیں اثار قدیمہ کو واپس دینے پر استعفیٰ دیاہے ۔

شاہی قلعہ میں 1950ءکے رولز میں ترمیم کے بغیر میرج فنکشن استعفیٰ کی وجہ بنے۔ذرا ئع کا یہ بھی کہنا ہے کہ شاہی قلعہ میں 1950 کے رولز میں ترمیم کے بغیر میرج فنکشن بھی کامران لاشاری کے استعفیٰ کی وجہ بنے۔ ڈی جی والڈ سٹی کی قدیم لاہور کے گرد تجاوزات کے خلاف آپریشن کرنابھی ان کے استعفیٰ کی وجہ بنا۔ع لاوہ ازیں ڈی جی والڈ سٹی کامران لاشاری کی جانب سے مغلیہ دور کے شاہی قلعہ، شالامالار باغ سمیت تاریخی عمارتیں آثار قدیمہ کو واپس دینے پر استعفیٰ دیا گیا۔