امریکی صدر13مئی سے مشرق وسطی کا دورہ کریں گے

ٹرمپ کا پاپ فرانسس کے انتقال پر اظہار افسوس،امریکی پرچم سرنگوں کرنے کا اعلان

جمعرات 24 اپریل 2025 13:10

واشنگٹن (اُردو پوائنٹ اخبارتازہ ترین - این این آئی۔ 24 اپریل2025ء)امریکی صدر ڈونلڈ ٹرمپ آئندہ ماہ مشرق وسطی کے تین اہم شراکت دار ممالک سعودی عرب، قطر اور متحدہ عرب امارات کا سرکاری دورہ کریں گے۔غیرملکی خبررساں ادارے کے مطابق وائٹ ہائوس کی ترجمان کیرولائن لیویٹ نے امریکی صدر ٹرمپ کے دورہ مشرق وسطی کا اعلان کیا۔

(جاری ہے)

وائٹ ہائوس ترجمان نے میڈیا بریفنگ کے آغاز پر کتھولک مسیحی رہنما پاپ فرانسس کے انتقال پر اظہار افسوس کیا اور امریکی امریکی پرچم سرنگوں کرنے کا اعلان بھی کیا۔

اس کے بعد وائٹ ہاس کی ترجمان کیرولائن لیویٹ نے امریکی صدر ٹرمپ کے دورہ مشرق وسطی کے دورے کے بارے میں بتایا۔انہوں نے کہا کہ صدر ٹرمپ 13 مئی سے مشرق وسطی کے دورے کا آغاز کریں گے جبکہ دورے کا اختتام 16 مئی کو کریں گے۔توقع ہے کہ امریکی صدر ڈونلڈ ٹرمپ مشرق وسطی میں امن، تجارت اور سکیورٹی کے امور پر بات چیت کریں گے۔