Live Updates

ملتان سلطانز پوائنٹس ٹیبل پر آخری نمبر پر آگیا،ابھی پانچ میچ باقی ہیں کوئی بھی اپ سیٹ ہوسکتاہے،مبصرین

جمعرات 24 اپریل 2025 16:10

ملتان (اُردو پوائنٹ اخبارتازہ ترین - اے پی پی۔ 24 اپریل2025ء) پاکستان سپر لیگ (پی ایس ایل) کے 13 ویں میچ میں اسلام آباد یونائیٹڈ کے ہاتھوں 7وکٹوں سے شکست کے بعد ملتان سلطانز کی ٹیم پوائنٹس ٹیبل پر سب سے نیچے چھٹے نمبر پر چلی گئی ۔

(جاری ہے)

ملتان سلطانز کواب تک 5 میچوں میں سے 4 میں شکست کاسامناکرناپڑا اورہوم گرائونڈ بھی اس کے لئے مددگار ثابت نہ ہوسکا ۔ ملتان سلطانز کا آئندہ میچ26 اپریل کو لاہور قلندرز کے خلاف لاہور میں ہے۔پلے آف میں جانے کی اب ایک ہی صورت ہے کہ ملتان سلطانز کے ابھی پانچ میچ باقی ہیں جن میں سے اگر وہ 4جیت جائے تو اپ سیٹ کرسکتاہے۔ مبصرین کے مطابق آنے والے دنوں میں شائقین کو پی ایس ایل 10میں اچھی کرکٹ دیکھنے کو ملے گی ۔