روس اور یوکرین جنگ جلد ختم ہونے کے خواہاں ہیں، امریکا

امریکا روس پر شدید دبا ئوڈال رہا ہے کہ وہ یوکرین پر حملے روکے ،ٹرمپ

جمعہ 25 اپریل 2025 11:40

واشنگٹن(اُردو پوائنٹ اخبارتازہ ترین - این این آئی۔ 25 اپریل2025ء)امریکی صدر ڈونلڈ ٹرمپ نے کہا ہے کہ روس اور یوکرین کے درمیان تنازعے کا جلد خاتمہ چاہتے ہیں، اس جانب اہم پیش رفت کی ہے۔

(جاری ہے)

عرب ٹی وی کے مطابق یہ بات انہوں نے یوکرین پر روس کے حالیہ حملے سے کشیدگی بڑھنے کے بعد وائٹ ہائوس میں ناروے کے وزیر اعظم جوناس گور سٹور سے ملاقات کے موقع پر صحافیوں سے گفتگو کے دوران کہی۔

انہوں نے کہا کہ وہ چاہتے ہیں کہ روس یوکرین جنگ جلد ختم ہو،وہ کیف پر حالیہ روسی حملوں سے خوش نہیں ۔انہوں نے کہا کہ امریکا روس پر شدید دبا ئوڈال رہا ہے کہ وہ یوکرین پر حملے روکے ،وہ جلد ہی روس کے خلاف پابندیوں سے متعلق سوالات کا جواب دیں گے۔ ا ن کا کہنا تھا کہ یوکرین نے بہت سارا علاقہ کھو دیا جسے دوبارہ حاصل کرنا مشکل ہو گیا ہے۔