وفاقی وزیرِ خزانہ کی ورلڈ بینک کے نائب صدر برائے ڈیجیٹل ٹرانسفارمیشن سے ملاقات

جمعہ 25 اپریل 2025 15:20

واشنگٹن ڈی سی(اُردو پوائنٹ اخبارتازہ ترین - این این آئی۔ 25 اپریل2025ء)وفاقی وزیرِ خزانہ سینیٹر محمد اورنگزیب نے ورلڈ بینک کے نائب صدر برائے ڈیجیٹل ٹرانسفارمیشن سنگبو کم سے ملاقات کی۔ اس دوران وزیرِ خزانہ نے انہیں حکومت کی ڈیجیٹل پاکستان پالیسی کے تحت ڈیجیٹلائزیشن کی کوششوں سے آگاہ کیا، خاص طور پر ٹیکسیشن اصلاحات اور ایف بی آر کی اینڈ ٹو اینڈ ڈیجیٹلائزیشن پر زور دیا، جس میں لوگ، عمل اور ٹیکنالوجی شامل ہیں۔

(جاری ہے)

وزیرِ خزانہ نے مختلف اداروں کے درمیان افقی انضمام کی ضرورت پر زور دیا تاکہ ڈیجیٹل ٹرانسفارمیشن کا عمل ہموار ہو سکے۔وزیرِ خزانہ نے ورلڈ بینک سے ملک کے کنٹری پارٹنرشپ پروگرام (CPF) کی آپریشنلائزیشن کے لیے حمایت کی درخواست کی تاکہ ٹیکنالوجی کا استعمال کر کے اس کو کامیابی سے عملی جامہ پہنانا جا سکے۔انہوں نے ملک کی ڈیجیٹل سفر کے بارے میں ورلڈ بینک سے مشورہ لینے میں دلچسپی ظاہر کی اور جہاں ضرورت ہو وہاں کورس کی اصلاح کی بات کی۔ وزیرِ خزانہ نے ملاقات کے اختتام پر سنگبو کم کو پاکستان آنے کی دعوت دی۔