سرگودھا، نماز جمعہ کے سلسلہ میں مساجداور امام بارگاہوں پر سکیورٹی کے سخت انتظامات

جمعہ 25 اپریل 2025 16:50

سرگودھا-25 اپریل (اے پی پی) (اُردو پوائنٹ اخبارتازہ ترین - اے پی پی۔ 25 اپریل2025ء) سرگودھا میں نماز جمعہ کے سلسلہ میں مساجداور امام بارگاہوں پر سکیورٹی کے سخت انتظامات کیے گئے۔

(جاری ہے)

ڈسٹرکٹ پولیس آفیسرمحمد صہیب اشرف کی خصوصی ہدایت پر اہم مساجداور امام بارگاہوں پر سرگودھا پولیس کے پانچ سو سے زائد مسلح پولیس افسران و ملازمان نے ڈیوٹی سرانجام دی،ایلیٹ فورس کے جوان اہم مساجداور اہم امام بارگاہوں کے اردگرد گشت کناں رہے اس کے علاوہ ٹریفک کی روانی کو برقرار رکھنے کے لیے ٹریفک پولیس کے جوان بھی الرٹ رہے۔

نماز جمعہ میں شامل ہونے والے ہر شخص، گاڑی، موٹر سائیکل وغیرہ کو مکمل چیکنگ کے بعد آنے دیاگیا۔ علاوہ ازیں چیکنگ کے لئے اہم پوائنٹس پر واک تھرو گیٹ اورمیٹل ڈیٹیکٹرکا بھی استعمال یقینی بنایا گیا۔ مساجداور امام بارگاہوں پر پارکنگ کا مناسب انتظام کیا گیا۔ضلع بھر کے ایس ڈی پی اوز اور ایس ایچ اوزنے لگائی گئی ڈیوٹی کو چیک کیا، ڈیوٹی بارے بریف کیااور ملازمین پولیس کو الر ٹ رکھا۔ تمام سکیورٹی انتظامات کی ڈی پی او سرگودھا نے براہ راست خود نگرانی کی۔