راولپنڈی میں 2 بڑے پولیس ویلفیئر پراجیکٹس کا آغاز،سی پی او سید نے پولیس ویلفیئر فلنگ سٹیشن فوارہ چوک کا افتتاح کردیا

راولپنڈی(اُردو پوائنٹ اخبارتازہ ترین - این این آئی۔ 26 اپریل2025ء)آئی جی پنجاب ڈاکٹر عثمان انور کے ویژن اور ہدایات کے مطابق راولپنڈی میں 2 بڑے پولیس ویلفیئر پراجیکٹس کا آغاز،سی پی او سید خالد ہمدانی نے پولیس ویلفیئر فلنگ سٹیشن فوارہ چوک کا افتتاح کردیا، سی پی او سید خالد ہمدانی نے پولیس ویلفیئر کمپلیکس کا سنگ بنیاد بھی رکھا،ایس ایس پی آپریشنز، ایس پیز، سینئر پولیس افسران، انجمن تاجران و شیل پاکستان کے عہدیداران بھی موجود تھے، آج ہم جس تقریب میں اکھٹے ہوئے ہیں یہ ایک بڑی اور اہم کامیابی ہے، سی پی او،آئی جی پنجاب کے ویژن کے مطابق فورس کی ویلفیئر کے لیے تمام اقدامات اُٹھائے جارہے ہیں، سی پی او،راولپنڈی میں گزشتہ کئی دہائیوں سے اس سطح کے ویلفیئر پراجیکٹ نہیں بن سکے تھے، میں اپنی تمام ٹیم کو مبارکباد پیش کرتا ہوں، مزید ویلفیئر براجیکٹس پر بھی کام کیا جارہا ہے۔

(جاری ہے)

تفصیلات کے مطابق آئی جی پنجاب ڈاکٹر عثمان انور کے ویژن اور ہدایات کے مطابق راولپنڈی میں 2 بڑے پولیس ویلفیئر پراجیکٹس کا آغاز کر دیا گیا ،سی پی او سید خالد ہمدانی نے پولیس ویلفیئر فلنگ سٹیشن فوارہ چوک کا افتتاح کردیا، سی پی او سید خالد ہمدانی نے پولیس ویلفیئر کمپلیکس کا سنگ بنیاد بھی رکھا،ایس ایس پی آپریشنز، ایس پیز، سینئر پولیس افسران، انجمن تاجران و شیل پاکستان کے عہدیداران بھی موجود تھے،اس موقعہ پر سی پی او سید خالدہمدانی کا کہنا تھاکہ آج ہم جس تقریب میں اکٹھے ہوئے ہیں یہ ایک بڑی اور اہم کامیابی ہے، آئی جی پنجاب کے ویژن کے مطابق فورس کی ویلفیئر کے لیے تمام اقدامات اُٹھائے جارہے ہیں،راولپنڈی میں گزشتہ کئی دہائیوں سے اس سطح کے ویلفیئر پراجیکٹ نہیں بن سکے تھے، میں اپنی تمام ٹیم کو مبارکباد پیش کرتا ہوں،مزید ویلفیئر براجیکٹس پر بھی کام کیا جارہا ہے، اس موقع پر صدر انجمن تاجران شاہد غفور پراچہ کا کہنا تھاکہ راجہ بازار کے علاقہ میں کوئی پٹرول پمپ نہیں تھا، اس منصوبے سے نا صرف فورس بلکہ شہریوں کی بھی ویلفیئر ہو گی،سہیل الطاف راولپنڈی چیمبر آف کامرس نے کہا کہ مجھے خوشی ہے کہ یہ پراجیکٹ پولیس افسران اور شہداء کی فیملیز کی ویلفیئر کے لیے ہے، اس موقعہ پر عہدیداران شیل پاکستان نے کہا کہ سی پی او راولپنڈی اور تمام فورس مبارکباد کی مستحق ہے آپکی کوششوں اور محنت سے یہ منصوبہ پایہ تکمیل تک پہنچا،شیل پاکستان کی جانب سے سی پی او راولپنڈی کو اعزازی شیلڈ پیش کی گئی جبکہ سی پی او راولپنڈی کی جانب سے شیل پاکستان کے عہدیداران، سی ای او پولیس ویلفئیر فلنگ سٹیشن اور پولیس افسران کو اعزازی شیلڈز دی گئیں،تقریب کے اختتام پر سی پی او سید خالد ہمدانی نے مہمانوں اور پولیس افسران کا شکریہ ادا کیا۔