اسپیکر قومی اسمبلی سردار ایاز صادق کا سینئر صحافی عابد ملک کی والدہ کے انتقال پر اظہار تعزیت

ہفتہ 26 اپریل 2025 22:50

اسلام آباد (اُردو پوائنٹ اخبارتازہ ترین - اے پی پی۔ 26 اپریل2025ء) اسپیکر قومی اسمبلی سردار ایاز صادق نے سینئر صحافی عابد ملک کی والدہ کے انتقال پر گہرے دکھ اور افسوس کا اظہار کیا ہے۔

(جاری ہے)

قومی اسمبلی سیکرٹریٹ کے ڈائریکٹوریٹ آف میڈیا کی طرف سے جاری بیان کے مطابق اسپیکر قومی اسمبلی نے عابد ملک کے نام جاری اپنے تعزیتی پیغام میں انکی والدہ کے انتقال پر تعزیت کا اظہار کیا ہے۔

انہوں نے کہا کہ والدین قدرت کا انمول تحفہ ہیں انکا بچھڑ جانا ناقابل تلافی نقصان اور بڑا صدمہ ہے۔ انہوں نے کہا غم اور دکھ کی مشکل گھڑی میں وہ انکے اہلخانہ کے غم اور دکھ میں برابر کے شریک ہیں۔ اسپیکر قومی اسمبلی نے اللہ تعالیٰ سے مرحومہ کے درجات کی بلندی اور لواحقین کو اس ناقابل تلافی نقصان کو برداشت کرنے کے لیے صبر جمیل کی دعا کی۔