اسرائیلی فورسز کی غزہ پر بمباری، مزید 40 فلسطینی شہید

اسرائیلی ناکہ بندی کی وجہ سے غزہ مکمل طور پر قحط کی صورتِ حال کے قریب ہے، رپورٹ

اتوار 27 اپریل 2025 13:05

غزہ (اُردو پوائنٹ اخبارتازہ ترین - این این آئی۔ 27 اپریل2025ء)اسرائیلی فورسز نے غزہ پر بمباری کر کے مزید 40 فلسطینیوں کو شہید کر دیا۔غزہ میں فلسطینی وزارت صحت کے اعداد و شمار کے مطابق گزشتہ 24 گھنٹوں میں ہسپتالوں میں 40 فلسطینیوں کی لاشیں لائی گئی ہیں۔ رپورٹ کے مطابق اسرائیلی ناکہ بندی کی وجہ سے غزہ مکمل طور پر قحط کی صورتِ حال کے قریب ہے۔

(جاری ہے)

فلسطینی مزاحمتی تنظیم حماس کے مطابق قاہرہ میں ہونے والے مذاکرت میں جنگ بندی، قیدیوں کیتبادلیاور تعمیر نو پر نکتہ نظرِ پیش کریں گے۔

دوسری جانب سابق اسرائیلی وزیرِ اعظم نے اعتراف کرتے ہوئے کہا ہے کہ اسرائیلی فوج افرادی قوت کی کمی کا شکار ہے۔ عرب میڈیا کے مطابق تل ابیب میں ہزاروں افرد نے یرغمالیوں کی رہائی اور جنگ بندی کے لیے مظاہرہ کیا۔