Live Updates

بھارتی ایئر لائنز کو ایندھن کی مد میں یومیہ 21 کروڑ کا جھٹکا

بھارت کو 2 گھنٹے اضافی سفر کیلئے 7 لاکھ 42 ہزار 776 ڈالر کا اضافی ایندھن جلانا پڑ رہا ہے،رپورٹ

پیر 28 اپریل 2025 13:11

بھارتی ایئر لائنز کو ایندھن کی مد میں یومیہ 21 کروڑ کا جھٹکا

نئی دہلی (اُردو پوائنٹ اخبارتازہ ترین - این این آئی۔ 28 اپریل2025ء)پاکستانی فضائی حدود کی بندش کے سبب بھارتی ایئر لائنز کو ایندھن کی مد میں یومیہ 21 کروڑ کا جھٹکا لگ رہا ہے۔غیرملکی خبررساں ادارے کے مطابق بوئنگ 777 طیارہ 1 گھنٹہ میں 5467 ڈالر کا 6668 کلوگرام ایندھن استعمال کرتا ہے، ایئر بس اے 320 طیارہ 1 گھنٹہ میں 1948 ڈالر کا 2400 کلوگرام فیول جلاتا ہے۔

وکی پیڈیا کے اعداد و شمار کے مطابق ایک کلوگرام جیٹ ایندھن کی اوسط قیمت اشاریہ 82 ڈالر ہے۔

(جاری ہے)

ایوی ایشن ذرائع کا بتانا ہے کہ بھارت میں 6668 کلوگرام جیٹ ایندھن کی موجودہ قیمت 5467 ڈالر ہے، جبکہ بوئنگ 777 طیارے کے 100 گھنٹے اضافی سفر 5 لاکھ 46 ہزار 776 ڈالر کا خرچہ ہے۔ایئر بس اے 321 طیاروں کی 100 گھنٹے پروازوں پر 1 لاکھ 96 ہزار ڈالر لگتے ہیں۔بھارت کو 2 گھنٹے اضافی سفر کیلئے 7 لاکھ 42 ہزار 776 ڈالر کا اضافی ایندھن جلانا پڑ رہا ہے، بھارتی ایئرلائنز کو فیول کی مد میں روزانہ 6 کروڑ 35 لاکھ روپے کا جھٹکا لگ رہا ہے۔ایوی ایشن ذرائع کے مطابق ایندھن کے بھارتی ایئر لائنز کے یومیہ نقصانات 21 کروڑ پاکستانی روپے ہیں۔