بھارت کسی بھول میں نہ رہے اس بار ٹی فینٹاسٹک نہیں مار بھی فینٹاسٹک پڑے گی،عطاء اللہ تارڑ

ہمیں آزمانے کی کوشش کی تو بھرپور جواب ملے گا، بھارت کو ماضی میں بھی دھول چٹائی تھی، ہماری مسلح افواج کسی بھی صورت حال سے نمٹنا بھر پور جانتی ہیں، وفاقی وزیر اطلاعات کی گفتگو

فیصل علوی پیر 28 اپریل 2025 14:40

بھارت کسی بھول میں نہ رہے اس بار ٹی فینٹاسٹک نہیں مار بھی فینٹاسٹک پڑے ..

اسلام آباد(اردوپوائنٹ اخبار تازہ ترین۔28اپریل 2025)وفاقی وزیر اطلاعات و نشریات عطاء اللہ تارڑ نے کہا ہے کہ بھارت کسی بھول میں نہ رہے اس بار ٹی فینٹاسٹک نہیں مار بھی فینٹاسٹک پڑے گی،ہمیں آزمانے کی کوشش کی تو بھرپور جواب ملے گا، بھارت کو ماضی میں بھی دھول چٹائی تھی، جیونیوز سے گفتگو کرتے ہوئے وفاقی وزیر اطلاعات نے کہا کہ ہماری مسلح افواج کسی بھی صورت حال سے نمٹنا بھر پور جانتی ہیں۔

ہم دہشت گردی کے خلاف ایک ڈھال ہیں۔ہم بیانیے کی جنگ تو جیت رہے ہیں لیکن اگر ان کا کوئی اور موڈ ہوا تو بھی بھرپور جواب دیا جائے گا۔انہوں نے کہا کہ بھارت کے اندر سے مودی حکومت کے خلاف آوازیں اٹھ رہی ہیں۔بھارت کو سمجھ آگیا کہ انہوں نے جو پروپیگنڈہ کیا اس کا جواب مل رہا ہے ان کو اب شرمندگی ہوگی۔

(جاری ہے)

بھارت کو پیغام دیتے ہیںیہاں بہت اتحاد ہے۔

ہم بھارت کو بھرپور جواب دیں گے اور مل کردیں گے۔ ہماری میم گیم بھی بہت اوپر ہے۔ پاکستانیوں نے میم گیم میں بھی کامیابی حاصل کی ہے۔میں سب کو سلام پیش کرتا ہوں۔ گفتگو کے دوران وفاقی وزیراطلاعات عطاءاللہ تارڑ کا مزید کہنا تھا کہ اس معاملے پر ہم سب متحد ہیں۔ بھارت کو منہ توڑ جواب دینے کےلئے کھڑے ہیں۔ پارلیمنٹ کا مشترکا اجلاس بلانے پر بھی غور کریں گے۔

بھارت کو ماضی میں بھی دھول چٹائی تھی۔ بھارت کسی بھول میں نہ رہے۔ ہمیں آزمانے کی کوشش کی تو بھرپور جواب ملے گا۔ان کا یہ بھی کہنا تھا کہ پہلگام ایل او سی سے 2 سو کلو میٹر دور ہے۔ بھارتی پروپیگنڈے کا بھر پور جواب دیں گے۔ ہم دہشت گردی کے خلاف ایک ڈھال ہیں۔ ہم بیانیے کی جنگ تو جیت رہے ہیں لیکن اگر ان کا کوئی اور موڈ ہوا تو بھی بھرپور جواب دیا جائے گا۔ ہم نے بھارتی ایئرلائنز کےلئے ایئر اسپیس بند کردی ہے جس سے بھارتی ایئرلائن کے ٹکٹ کی کاسٹ بڑھ گئی۔ہمارے اس فیصلے سے بھارت کی معیشت پر کاری ضرب لگ رہی ہے۔ بھارت کے اندر سے مودی حکومت کے خلاف آوازیں اٹھ رہی ہیں۔بھارت کو سمجھ آگیا کہ انہوں نے جو پروپیگنڈہ کیا اس کا جواب مل رہا ہے ان کو اب شرمندگی ہوگی۔