لاہور سمیت بیشتر علاقوں میں موسم گرم و خشک ر ہے گا،ترجمان

پیر 28 اپریل 2025 17:11

لاہور (اُردو پوائنٹ اخبارتازہ ترین - اے پی پی۔ 28 اپریل2025ء) محکمہ موسمیات کی پیشگوئی کے مطابق آئندہ چوبیس گھنٹوں کے دوران صوبائی دارالحکومت لاہور سمیت پنجاب کے بیشتر علاقوں میں موسم گرم اور خشک رہنے کا امکان ہے جبکہ جنوبی پنجاب میں دن کے اوقات میں درجہ حرارت 04 سے06 ڈگری سینٹی گریڈ زیادہ رہنے کی توقع ہے۔

(جاری ہے)

ترجمان محکمہ موسمیات کے مطابق گزشتہ چوبیس گھنٹوں کے دوران پنجاب کے بیشتر اضلاع میں موسم زیادہ تر گرم و خشک رہا جبکہ جنوبی اضلاع میں موسم شدید گرم رہا۔

لاہور میں کم سے کم درجہ حرارت 24 اور زیادہ سے زیادہ 41 سینٹی گریڈ ریکارڈ کیا گیا جبکہ ہوا میں نمی کا تناسب10 فیصدرہا۔لا ہور میں آلودگی کی مجموعی شرح 86 فیصد رہی جبکہ شہر کے مختلف علاقوں یو ایم ٹی میں81، گرینڈ چارٹر سکول 77، اڈا پلاٹ 73، جو ہر ٹا ئون 82 اور لاہور امریکن سکول میں75 ایئر کوالٹی انڈیکس ریکارڈ کیا گیا۔