پٹرول چھڑک کر خودکشی کی کوشش کرنے والی خاتون کو پولیس اہلکار نے بچا لیا

پیر 28 اپریل 2025 19:50

رولپنڈی (اُردو پوائنٹ اخبارتازہ ترین - اے پی پی۔ 28 اپریل2025ء) سیف سٹی ورچوئل پٹرولنگ آفیسررولپنڈی نے لائیو سرویلنس کے دوران پٹرول چھڑک کر خودکشی کی کوشش کرنے والی خاتون کو بچا لیا۔پولیس ترجمان کے مطابق موقع پر موجود ٹریفک وارڈن نے بھی فوری طور پر خاتون کو بچانے کے لئے کوشش کی۔

(جاری ہے)

سیف سٹی راولپنڈی نے متعلقہ پولیس اور ریسکیو ٹیموں کو موقع پر روانہ کیاریسکیو اور پولیس ٹیموں نے بروقت موقع پر پہنچ کر خاتون کو حفاظتی تحویل میں لے لیا۔

خاتون کے مطابق انہوں نے گھریلو مسائل سے دل برداشتہ ہو کر اقدام اٹھایا تھا، سیف سٹیز، ریس کورس پولیس اور ریسکیو کی بروقت اور مربوط کارروائی سے قیمتی جان بچائی گئی۔راولپنڈی سیف سٹی کیمرے شہر میں ہر مشکوک سرگرمی پر کڑی نظر رکھے ہوئے ہیں، شہری کسی بھی مشکوک سرگرمی یا ایمرجنسی کی صورت میں فوری طور پر 15 پر کال کریں۔