ریلوے انتظامیہ کا محمود بوٹی کے علاقے میں قبضہ مافیا کے خلاف آپریشن ، 12 گودام، 2 ویٹ برج ،7 دکانیں سیل کر دیں

پیر 28 اپریل 2025 22:10

لاہور (اُردو پوائنٹ اخبارتازہ ترین - اے پی پی۔ 28 اپریل2025ء) ڈی ایس ریلوے لاہور ڈویژن میاں طارق لطیف کی قیادت میں ڈویژنل آپریشن ٹیم کا قبضہ مافیا کے خلاف محمود بوٹی بند کے علاقے میں اینٹی انکروچمنٹ آپریشن ، 12 گودام، 2 ویٹ برج ،7 دکانیں سیل کر دیں۔ ترجمان کے مطابق سیل کی گئی پراپرٹیز 5 کنال 12 مرلہ زمین پر مشتمل ہے جس کی مالیت 283 ملین بنتی ہے۔

(جاری ہے)

کامیاب آپریشن کے موقع پر ڈی ایس ریلوے کا کہنا تھا کہ وفاقی وزیر ریلوے حنیف عباسی کے ویژن کے مطابق ریلوے کی زمین قیمتی اثاثہ ہے جس کی حفاظت یقینی بنائی جائے گی۔ انہوں نے کہا کہ قبضہ مافیا کے خلاف پوری طاقت کے ساتھ کریک ڈاون جاری رکھیں گے۔ ڈویژنل آپریشن ٹیم میں ڈویژنل ایگزیکٹو انجینئر حاجی محمد، اسسٹنٹ ایگزیکٹو انجینئر گوہرحفیظ، انسپکٹر آف ورکس یاسر عرفات، جی آئی ایس معیز، ایس ایچ او رمضان حیدر، چوکی انچارج ملک عرفان کے علاوہ اے ڈبلیو آئی شاہدرہ احسن رضا شامل تھے۔