Live Updates

پہلگام واقعہ، شاہد آفریدی کے بیان پر کنیریا کے بعد شیکھر دھون کو بھی مرچیں لگ گئیں

پاکستان کے سابق کپتان کا بیان نہایت بیہودا تھا، انہیں اپنے ملک کی فکر کرنی چاہیے : سابق بھارتی اوپنر

ذیشان مہتاب منگل 29 اپریل 2025 11:33

پہلگام واقعہ، شاہد آفریدی کے بیان پر کنیریا کے بعد شیکھر دھون کو بھی ..

نئی دہلی (اردو پوائنٹ تازہ ترین اخبار ۔ 29 اپریل 2025ء) قومی ٹیم کے سابق کپتان شاہد آفریدی کا ایک بیان دانش کنیریا کے بعد سابق بھارتی اوپنر شیکھر دھون کو بھی مرچیں لگا گیا۔

میڈیا رپورٹس کے مطابق پہلگام واقعہ پر بھارتی فوج کی ناکامی پر سوال اٹھاتے ہوئے سابق کپتان شاہد آفریدی نے کہا تھا کہ ''وہاں پر پٹاخہ بھی پھٹ جائے تو پاکستان پر نام لگادیا جاتا ہے، مقبوضہ کشمیر میں 8 لاکھ بھارتی فوج ہونے کے باوجود یہ واقعہ ہوگیا اس کا مطلب تم نالائق اور نکمے ہو جو لوگوں کو سکیورٹی نہیں دے سکے۔

سابق کرکٹر نے کہا کہ ''2016 ٹی20 ورلڈکپ کے دوران حالات کشیدہ ہونے کے باوجود پاکستانی ٹیم بھارت گئی، ہمیں خود نہیں معلوم تھا جانا ہے یا نہیں، کبڈی کی بھارت کی ٹیم آجاتی ہے کرکٹ کی ٹیم نہیں آتی، اگر بند کرنا ہے تو تمام چیزیں بند کرو۔

(جاری ہے)

اس کے جواب میں دانش کنیریا نے بھارت نواز اور پاکستان دشمنی کا مظاہرہ کرتے ہوئے شاہد آفریدی کے بیان میں انہیں آڑے ہاتھوں لیا تاہم اب سابق بھارتی کرکٹر شیکھر دھون نے بھی پہلگام واقعہ پر سابق آل راؤنڈر کو تنقیدی جواب دیتے ہوئے کہا کہ ''کارگل میں بھی تمہیں ہرایا تھا اور کتنا گرو گے، ہمیں اپنی فوج پر فخر ہی''۔

انہوں نے مزید کہا کہ پہلگام واقعے پر ''پاکستان کے سابق کپتان کا بیان نہایتی بیہودا تھا اور انہیں اپنے ملک کی فکر کرنی چاہیی''۔

شاہد آفریدی کے ایک بیان پر سابق بھارتی کرکٹرز اور ان کے حامی شدید نالاں ہیں اور انہیں تنقید کا نشانہ بنارہے ہیں جبکہ بھارتی حکومت نے تنقید سے بچنے کیلئے پاکستانی ٹی وی چینلز پر بھی پابندی عائد کردی ہے۔