Live Updates

کینیڈا میں بھارتی طالبہ کی لاش برآمد

ونشیکا نامی طالبہ گزشتہ کچھ دنوں سے لاپتہ تھی،تحقیقات جاری

منگل 29 اپریل 2025 16:19

اوٹاوا(اُردو پوائنٹ اخبارتازہ ترین - این این آئی۔ 29 اپریل2025ء)کینیڈا میں کچھ دنوں سے لاپتہ بھارتی طالبہ کی لاش ساحل سمندر سے مل گئی، بھارتی ہائی کمیشن نے لاش ملنے کی تصدیق بھی کردی۔ بھارتی میڈیا کے مطابق ونشیکا نامی طالبہ گزشتہ کچھ دنوں سے لاپتہ تھی۔تاہم اب آنجہانی لڑکی کی لاش ملنے کے بعد مقامی پولیس نے موت کی وجہ جاننے کیلیے تفتیش شروع کردی ہے۔

(جاری ہے)

ونشیکا کی لاش ساحلِ سمندر سے ملی ہے، اہلخانہ کی جانب سے لاش ملنے کے بعد تشویش کا اظہار کیا گیا ہے۔ونشیکا بھارت کی سیاسی جماعت عام آدمی پارٹی کے رہنما کی بیٹی تھی، وہ ڈھائی سال پہلے تعلیم حاصل کرنے (ڈپلومہ کورس)کرنے کے لیے کینیڈا کے دارالحکومت اوٹاوا گئی تھی۔بھارتی میڈیا کے مطابق ونشیکا 25 اپریل سے لاپتہ تھی اور اسی رات سے اس کا فون بھی بند ہوگیا تھا۔واضح رہے کہ اس ماہ کینیڈا کے صوبے اونٹاریو میں نامعلوم افراد کی فائرنگ سے بھارتی طالبہ ہلاک ہوگئی تھی۔