راولپنڈی،بانی پی ٹی آئی سے ملاقات کیلئے آنے والی تینوں بہنوں کو روک لیا

منگل 29 اپریل 2025 18:59

راولپنڈی (اُردو پوائنٹ اخبارتازہ ترین - این این آئی۔ 29 اپریل2025ء)راولپنڈی کی اڈیالہ جیل میں قید بانی پی ٹی آئی سے ملاقاتوں کا دن مگر ملنے کے لیے آنے والوں کو پولیس نے روک لیا۔ بانی پی ٹی آئی کی تینوں بہنیں علیمہ خان، نورین نیازی اور عظمی خان بانی پی ٹی آئی سے ملاقات کیلئے اڈیالہ جیل پہنچیں۔

(جاری ہے)

پولیس نے بانی پی ٹی آئی کی تینوں بہنوں کو گورکھپور ناکے پر روک لیا جبکہ بانی پی ٹی آئی کے کزن قاسم خان کو بھی پولیس نے آگے جانے سے منع کردیا۔اڈیالہ جیل کے باہر پہنچنے والے وکلا اور ان کی گاڑیوں کو پولیس نے اڈیالہ جیل کے داخلی دروازے سے ہٹا دیا۔اڈیالہ جیل کے باہر پولیس اور تحریک انصاف کے وکلا کے درمیان تلخ کلامی بھی ہوئی۔