Live Updates

پہلگام فالس فلیگ کے بعد بھارت کے سندھ طاس معاہدے کی معطلی کے یکطرفہ فیصلے کو عالمی سطح پر شدید تنقید کا سامنا

منگل 29 اپریل 2025 23:14

لندن (اُردو پوائنٹ اخبارتازہ ترین - آن لائن۔ 29 اپریل2025ء) پہلگام فالس فلیگ کے بعد بھارت کے سندھ طاس معاہدے کی معطلی کے یکطرفہ فیصلے کو عالمی سطح پر شدید تنقید کا سامنا ہے ، معاہدے کی معطلی کو علاقائی سلامتی کے لئے سنگین خطرہ قرار دیتے ہوے کہا گیا ہے کہ اس اقدام سے دونوں ممالک پر منفی اثرات پڑ سکتے ہیں ۔ یکطرفہ اقدا م پر نظر ثانی کی جانی چاہیے ۔

برطانوی جریدے فنانشل ٹائمز نے اپنی رپور ٹ میں کہا ہے کہ بھارت کی جانب سے سندھ طاس معاہدے کی معطلی، علاقائی سلامتی کے لئے سنگین خطرہ ہے ۔ اس اقدام سے دونوں ممالک میں میں آبی تناؤ بڑھنے کا خدشہ ہے ۔ رپورٹ میں کہا گیا ہے کہ بھارت کے حالیہ اقدامات سے پانی کی سیکیورٹی پر کشیدگی میں اضافہ متوقع ہے ۔ جبکہ سندھ طاس معاہدے کے طویل المدتی استحکام کو بھی نقصان پہنچ سکتا ہے ۔

(جاری ہے)

ر پورٹ میں کہا گیا ہے ۔ معاہدے کی عارضی معطلی کے دونوں ممالک پر منفی اثرات پڑ سکتے ہیں۔ بھارت و پاکستان کو یکطرفہ اقدامات پر نظرثانی کرنی چاہیے، انھیں اس حقیقت کا بھی ادراک کرنا چاہیے کہ ماحولیاتی خطرات بڑھ رہے ہیں۔ رپور ٹ میں کہا گیا ہے کہ بھارت کا موقف خطے میں مزید عدم استحکام کا سبب بن سکتا ہے۔ پاکستان کے خلاف یکطرفہ اقدامات بھارت کی آبی سیکیورٹی کے لیے بھی نقصان دہ ہیں ۔ رپورٹ میں کہا گیا ہے کہ ماضی کے تنازعات کے باوجود سندھ طاس معاہدہ امن کی بنیاد رہا ہے۔