تربیلا، منگلا، چشمہ ریزروائر میں پانی کا ذخیرہ 16 لاکھ 67 ہزار ایکڑ فٹ ہے، ترجمان واپڈا

منگل 29 اپریل 2025 23:36

اسلام آباد (اُردو پوائنٹ اخبارتازہ ترین - این این آئی۔ 29 اپریل2025ء)تربیلا، منگلا اور چشمہ ریزروائر میں قابل استعمال پانی کا ذخیرہ 16 لاکھ 67 ہزار ایکڑ فٹ ہے۔

(جاری ہے)

واپڈا کے ترجمان کے مطابق دریائے سندھ میں تربیلا کے مقام پر پانی کی آمد 44 ہزار 400 کیوسک اور اخراج 45 ہزار کیوسک ہے جبکہ دریائے جہلم میں منگلا کے مقام پر پانی کی آمد 36 ہزار 200 کیوسک اور اخراج 32 ہزار کیوسک ہے۔

واپڈا کے ترجمان نے بتایا کہ چشمہ بیراج میں پانی کی آمد 70 ہزار 600 کیوسک اور اخراج 61 ہزار کیوسک ہے۔واپڈا کے ترجمان نے بتایا کہ دریائے چناب میں ہیڈ مرالہ کے مقام پر پانی کی آمد 23 ہزار کیوسک جبکہ اخراج 14 ہزار 500 کیوسک ہے۔واپڈا کے ترجمان نے بتایا کہ دریائے کابل نوشہرہ کے مقام پر پانی کی آمد اور اخراج 26 ہزار 100 کیوسک ہے۔