راولپنڈی ،منشیات سپلائر پیر محمد خان کو 9 سال قید اور 2 لاکھ روپے جرمانے کی سزا

منگل 29 اپریل 2025 23:38

راولپنڈی(اُردو پوائنٹ اخبارتازہ ترین - این این آئی۔ 29 اپریل2025ء)راولپنڈی پولیس کی موثر پولیسنگ کے باعث منشیات سپلائر پیر محمد خان کو 9 سال قید اور 2 لاکھ روپے جرمانے کی سزا سنادی گئی۔

(جاری ہے)

تفصیلات کے مطابق معزز عدالت نے منشیات سپلائر پیرمحمد خان کو سزا سنا دی،مجرم پیر محمد خان کو 9 سال قید اور 2 لاکھ روپے جرمانے کی سزا سنائی گئی ،مجرم سے 1100 گرام چرس برآمد ہونے پر رتہ امرال پولیس نے فروری 2024 میں گرفتار کیا تھا، ٹھوس شواہد اور موثر پیروی کے پیش نظر معزز عدالت نے مجرم کو قرار واقعی سزا سنائی، سی پی او سید خالد ہمدانی نے ایس ایس پی انویسٹی گیشن اور تفتیشی و لیگل ٹیموں کو شاباش دیتے ہوئے کہا کہ منشیات کے ناسور کے خاتمے کے لیے تمام اقدامات کیے جا رہے ہیں۔