وفاقی محتسب کے حکم پر پپشین کے رہائشی محمد رحمٰن کا 19 سال سے بلاک شناختی کارڈ بحال کر دیا گیا

منگل 29 اپریل 2025 21:50

کوئٹہ (اُردو پوائنٹ اخبارتازہ ترین - اے پی پی۔ 29 اپریل2025ء) وفاقی محتسب ریجنل آفس کوئٹہ میں پشین کے رہائشی درخواست گزار محمد رحمٰن نے درخواست دائر کی تھی کے نادرا نے ان کا شناختی کارڈ وجہ بتائے بغیر19سال سے بلاک کیا ہے۔ درخواست گزار کا مزید کہنا تھا کہ انہوں نے اس سلسلے میں نادرا آفس سے رابطہ کیا مختلف کمیٹیوں کے سامنے پیش ہوئے مگر ان کا مسئلہ حل نہیں ہوا۔

(جاری ہے)

بالاخر مجبور ہو کر انہوں نے انصاف کے حصول کی خاطر وفاقی محتسب کے ادارے میں درخواست دائر کی ہے۔درخواست موصول ہوتے ہی ریجنل آفس کوئٹہ کے عملے نے انکوائری کا آغاز کیا اور نادرا عملے کو طلب کر کے جواب مانگا جس پر نادرا کا عملہ جواز پیش کرنے میں ناکام رہا۔چنانچہ وفاقی محتسب نے احکامات جاری کیے کہ فوری طور پر درخواست گزار کا شناختی بحال کیا جائے۔وفاقی محتسب کے احکامات موصول ہوتے ہی متعلقہ محکمے نے درخواست گزار کا شناختی کارڈ بحال کر دیا۔درخواست گزار نے وفاقی محتسب کے اس احسن اقدام پے شکریہ ادا کیا۔