بدعنوانی میں ملوث سی ڈی اے کے 5افسران گرفتار

ملزمان نے 43پلاٹ غیرقانونی طورپر الاٹ کیے، قومی خزانے کو ایک ارب کا نقصان پہنچا،ترجمان ایف آئی اے

منگل 29 اپریل 2025 22:10

اسلام آباد(اُردو پوائنٹ اخبارتازہ ترین - این این آئی۔ 29 اپریل2025ء)ایف آئی اے اینٹی کرپشن سرکل نے سی ڈی اے کے 5افسران کو بدعنوانی میں ملوث ہونے پر گرفتار کرلیا۔ترجمان ایف آئی اے کے مطابق اینٹی کرپشن سرکل اسلام آباد نے کارروائی کی اور بدعنوانی میں ملوث 5سی ڈی اے افسران کو گرفتار کیا ہے۔

(جاری ہے)

ایف آئی اے حکام کے مطابق گرفتار سی ڈی اے افسران اربوں روپے کی جعلی الاٹمنٹس میں ملوث ہیں، ملزمان سی ڈی اے میں اسسٹنٹ ڈائریکٹر اور ڈپٹی ڈائریکٹر کے عہدوں پر تھے۔

ترجمان ایف آئی اے کے مطابق ملزمان نے مجموعی طور پر 43پلاٹ غیرقانونی طورپر الاٹ کیے، غیرقانونی الاٹمنٹس سے قومی خزانے کو تقریباً ایک ارب روپے کا نقصان پہنچا۔ترجمان ایف آئی اے کے مطابق ملزمان کو ضمانت قبل از گرفتاری منسوخ ہونے پر گرفتار کیا گیا۔