Live Updates

پہلگام فالس فلیگ کے بعد عالمی میڈیا پربھارت میں بڑھتی مسلم دشمنی کے چشم کشا انکشافات

بدھ 30 اپریل 2025 22:14

پہلگام (اُردو پوائنٹ اخبارتازہ ترین - آن لائن۔ 30 اپریل2025ء) پہلگام فالس فلیگ کے بعد عالمی میڈیاپر بھارت میں بڑھتی مسلم دشمنی کے چشم کشا انکشافات سامنے آئے ہیں ۔عالمی میڈیا بھی مودی کی مسلمانوں کے خلاف نفرت انگیز پالیسی پر بول اٹھا۔ بی جے پی رہنماؤں کی ایماء پر مسلمانوں پر تشدد اور مساجد میں توہین آمیز پوسٹرز لگائے گئے ہیں ۔ میڈیا رپوررٹ میں ذرائع کے حوالہ سے بتایا گیا ہے کہ اتر پردیش، ہریانہ، مہاراشٹرا میں مسلمانوں پر حملوں اور دھمکیوں کی نئی لہر میں اضافہ ہوا ہے ۔

مودی سرکار کی مسلم دشمنی کی انتہا، بھارتی ڈیجیٹل میڈیا بھی مسلمانوں کے خلاف زہر اگلنے لگا ہے ۔ الجزیرہ کے مطابق پہلگام حملے کے بعد بھارت میں 20 نفرت انگیز اسلاموفوبک گانے ریلیز ہوے ہیں ۔

(جاری ہے)

بی جے پی رہنما نیتیش رانے کی مسلمانوں کے معاشی بائیکاٹ کی اشتعال انگیز اپیل کر دی ہے ۔ میڈیا رپورٹ کے مطابق بھارت بھر میں 21 سے زائد اینٹی مسلم تشدد کے واقعات رپورٹ ہوے ہیں ۔

حملے کے بعد بھارت میں مسلمان مریضوں کا علاج روکنے اور طلباء پر تشدد کے واقعات بھی دیکھنے میں آ ئے ہیں ۔ واشنگٹن ڈی سی کے مرکز برائے مطالعہ منظم نفرت کی رپورٹ میں بھی کہا گیا ہے کہ بھارت میں مسلم دشمنی شدید بڑھ چکی ہے،دفاعی ماہرین کا کہنا ہے کہ مودی مسلمانوں کیخلاف نفرت بھڑکا کر سیاسی مقاصد حاصل کر رہا ہے ۔ مودی سرکار فسادات کو ہوا دے کر خطے میں کشیدگی بڑھانے میں مصروف ہے۔