Live Updates

وزیر ریلوے سے اسلام آباد چیمبر آف کامرس اینڈ انڈسٹریز کے وفد کی ملاقات، مختلف امورپر غور

حنیف عباسی نے راولپنڈی میں ریلوے کے اثاثوں کے حوالے سے ڈی ایس راولپنڈی سے تفصیلی بریفنگ لی

بدھ 30 اپریل 2025 19:35

اسلام آباد (اُردو پوائنٹ اخبارتازہ ترین - این این آئی۔ 30 اپریل2025ء)وفاقی وزیر ریلوے محمد حنیف عباسی سے اسلام آباد چیمبر آف کامرس اینڈ انڈسٹریز کے وفد نے اہم ملاقات کی۔اس موقع پروزیر ریلوے محمد حنیف عباسی نے راولپنڈی میں ریلوے کے اثاثوں کے حوالے سے ڈی ایس راولپنڈی سے تفصیلی بریفنگ لی۔ انہوں نے پاکستان ریلوے کی ترقی اور جدت کے لیے کئے جانے اقدامات پر روشنی ڈالی۔

پاکستان ریلوے کا اسلام آباد چیمبر آف کامرس اینڈ انڈسٹریز کے ساتھ شراکت داری کا اہم معاہدہ بھی ہوا۔ وزیر ریلوے نے فریٹ ٹرین منصوبے کی منظوری دی جس کے ذریعے کراچی سے راولپنڈی تک سامان کی ترسیل کی مدت کو 4 دن سے کم کیا جائے گا۔ یہ اقدام سڑکوں پر بڑھتے ہوئے ٹریفک کے بوجھ کو کم کرنے کے لیے کیا جا رہا ہے۔

(جاری ہے)

اس معاہدے کے تحت ریلویڈرائی پورٹ چیمبر کو آئوٹ سورس کیا جائے گا۔

فریٹ ٹرین منصوبہ نہ صرف پاکستان ریلوے کی آمدنی میں اضافہ کرے گا بلکہ اس سے ملک کی اقتصادی ترقی کی رفتار مزید تیز ہو گی۔اس موقع پر محمد حنیف عباسی نے کہا کہ ہم نے صرف ڈیڑھ سال میں وہ کام کیے ہیں جو پچھلے 20 سالوں میں نہیں ہو سکے۔ہم اپنے وسائل کا بہترین استعمال کر کے پاکستان ریلوے کو ایک نیا اور مستحکم راستہ دکھا رہے ہیں۔وفاقی وزیر ریلوے نے تمام ریلوے ڈویڑن میں روڈ شو کرنے کا اعلان کرتے ہوئے تمام ڈی ایس کو ہدایات کہ وہ متعلقہ چیمبر ز آف کامرس سے ملیں اور مشترکہ طور پر کام کرنے کے لیے ایک مضبوط اشتراک کریں۔

ہم مل کر پاکستان ریلوے کے مستقبل کو بہتر بنائیں گیاور شراکت داری کے نئے دروازے کھولیں گے۔ وفاقی وزیر ریلوے نے کہا کہ ہم نے راولپنڈی کے تین سٹیشنز کی صفائی کا معاہدہ آر ڈبلیو ایم سی کے ساتھ سستے نرخوں پر کیا، صفائی نصف ایمان ہے، اپنے مسافروں کے لیے بہترین سفری سہولتیں فراہم کرنا ہمارا اولین فرض ہے، ہم یہاں ایک ایسا ورثہ بنا رہے ہیں جو آنے والی نسلوں کے لیے ایک قیمتی تحفہ ثابت ہوگا۔ یہ وہ لمحہ ہے جب ہم اپنی ذمہ داریوں کو درست انداز میں پورا کر رہے ہیں اور پاکستان ریلوے کے مستقبل کے لیے ایک نیا آغاز کر رہے ہیں۔