چارسدہ ،موٹر سائیکل سواروں کی فائرنگ، پولیس اہلکار شہید، محکمہ صحت کا ملازم زخمی

پولیس نے جائے وقوعہ سے شواہد اکٹھے کر کے تحقیقات شروع کر دی

بدھ 30 اپریل 2025 21:10

چارسدہ (اُردو پوائنٹ اخبارتازہ ترین - این این آئی۔ 30 اپریل2025ء)چارسدہ کے علاقے غنی خان روڈ پر موٹر سائیکل سواروں کی فائرنگ سے پولیس اہلکار شہید، محکمہ صحت کا ملازم زخمی ہوگیا۔

(جاری ہے)

شہید ہونے والے پولیس اہلکار کی شناخت فاروق کے نام سے ہوئی ہے، جو نیب آفس میں ڈیوٹی پر تعینات تھا، فائرنگ کے بعد حملہ آور فرار ہونے میں کامیاب ہو گئے۔ جاں بحق اہلکار کی لاش اور زخمی کو فوری طور پر ڈسٹرکٹ ہیڈ کوارٹر ہسپتال منتقل کر دیا گیا ہے، جہاں زخمی کو طبی امداد دی جا رہی ہے۔واقعے کے بعد علاقے میں خوف و ہراس پھیل گیا، جبکہ پولیس نے جائے وقوعہ سے شواہد اکٹھے کر کے تحقیقات شروع کر دی ہیں۔ حملہ آوروں کی تلاش کیلئے سرچ آپریشن جاری ہے۔