ملک کے مختلف آبی ذخائر سے ایک لاکھ 45 ہزار 700 کیوسک پانی کا اخراج، ارسا

جمعرات 1 مئی 2025 14:30

اسلام آباد (اُردو پوائنٹ اخبارتازہ ترین - اے پی پی۔ 01 مئی2025ء) انڈس ریور سسٹم اتھارٹی (ارسا)کی جانب سے جمعرات کو ملک کے مختلف آبی ذخائر سے ایک لاکھ 45 ہزار 700 کیوسک پانی کا اخراج کیا گیا جبکہ پانی کی آمد 173,300 کیوسک ہے۔ارسا کے جاری کردہ اعداد و شمار کے مطابق دریائے سندھ پر تر بیلا ڈیم میں پانی کی سطح 1432.02 فٹ تھی جو ڈیڈ لیول 1402.00 فٹ سے 30.02 فٹ زیادہ ہے۔

(جاری ہے)

ڈیم میں پانی کی آمد اور اخراج بالترتیب 63,000 کیوسک اور 52,100 کیوسک ریکارڈ کی گئی۔ دریائے جہلم پر منگلا ڈیم میں پانی کی سطح 1132.70 فٹ تھی جو اس کی ڈیڈ لیول 1050 فٹ سے 82.70 فٹ زیادہ ہے۔ پانی کی آمد اور اخراج بالترتیب 48,700 کیوسک اور 32,000 کیوسک ریکارڈ کی گئی۔ اسی طرح کالاباغ، تونسہ،گدو اور سکھر میں پانی کا اخراج بالترتیب 84600، 47900، 40100 اور 9800 کیوسک ریکارڈ کیا گیا۔مزید برآں دریائے کابل سے نوشہرہ کے مقام پر 35 ہزار 100 کیوسک اور دریائے چناب سے مرالہ کے مقام پر 18 ہزار کیوسک پانی چھوڑا گیا۔