صوبائی وزیر بلال یاسین کا حلقے کا دورہ، لیگی کارکنان کا پرجوش استقبال

یکم مئی مزدوروں و محنت کشوں کا عالمی دن ہے، جو قوموں کا اصل سرمایہ ہوتے ہیں‘ وزیر ہاؤسنگ پنجاب حکومت پنجاب مزدوروں کے استحصال، جبری مشقت اور تشدد کیخلاف بھرپور کردار ادا کر رہی ہے‘بلال یاسین

جمعرات 1 مئی 2025 20:20

لاہور (اُردو پوائنٹ اخبارتازہ ترین - این این آئی۔ 01 مئی2025ء)وزیر ہاؤسنگ اینڈ اربن ڈویلپمنٹ بلال یاسین نے حلقے میں مختلف گلیوں کا دورہ کیا جہاں لیگی کارکنان نے پرجوش استقبال کیا اور ہار پہنائے،حلقے میں جاری ترقیاتی کاموں پر صوبائی وزیر بلال یاسین اور قائد مسلم لیگ میاں نواز شریف کا شکریہ ادا کیا، لیگی کارکنان نے وزیر اعلیٰ مریم نواز کے حق میں نعرے بازی بھی کی، اس موقع پر صوبائی وزیر برائے ہاؤسنگ بلال یاسین نے کہا کہ عوامی مسائل کی داد رسی اولین ترجیح،ہر طبقہ کے لوگوں کی فلاح کیلئے حکومت عملی اقدامات کر رہی ہے، یکم مئی مزدوروں و محنت کشوں کا عالمی دن ہے، جو قوموں کا اصل سرمایہ ہوتے ہیں، حکومت پنجاب مزدوروں کے استحصال، جبری مشقت اور تشدد کیخلاف بھرپور کردار ادا کر رہی ہے، دیہاڑی دار مزدور کو بھی اپنی چھت فراہم کرنے کیلئے بلاسود 15 لاکھ قرض کی فراہمی جاری ہے،وزیر اعلیٰ پنجاب مریم نواز نے کم آمدن والے افراد کیلئے صحت و تعلیم سمیت ہر شعبے میں سہولت رکھی ہے، صوبے کے چھوٹے کسانوں کو فی ایکڑ 5 ہزار روپے کی فراہمی اور 4 ماہ تک گندم سٹوریج کی مفت سہولت دی جارہی ہے، کم از کم اجرت میں اضافہ، دھی رانی پروگرام کے تحت ہزاروں غریب خاندانوں کے بچوں کی شادیاں کروا کر مریم نواز دعائیں سمیٹ رہی ہیں، گھروں کی دہلیز پر مزدروں و محنت کشوں کو مفت دوائیاں، ماہانہ وظائف اور نگہبان پیکج کے تحت دس ہزار فی خاندان رقم بھجوا کر مثالی اقدامات کیے جارہے ہیں، وزیر ہاؤسنگ پنجاب نے واضح کیا کہ پٹرول و بجلی کی قیمتوں میں کمی کی خوشخبری کے ساتھ ساتھ مہنگائی میں کمی ہماری حکومت کی اولین ترجیحات ہیں۔