شراب سپلائی کا معاملہ،2 پولیس اہلکاروں سمیت 4افراد گرفتار

جمعہ 2 مئی 2025 03:50

راولپنڈی (اُردو پوائنٹ اخبارتازہ ترین - این این آئی۔ 02 مئی2025ء)ڈھیری حسن آباد کے علاقے میں الکوحل شراب سپلائی کے معاملے پر راولپنڈی پولیس کے دو اہلکاروں سمیت 4ملزمان گرفتار کر لئے گئے۔گرفتار پولیس اہلکار محمد اصغر اور طارق تھانہ آر اے بازار اور ریس کورس میں تعینات ہیں۔

(جاری ہے)

الکوحل شراب سے بھرے ڈرم لاہور سے راولپنڈی سپلائی کیے گئے تھے۔ گرفتار اہلکاروں نے تھانہ سول لائن کی حدود میں شراب سے بھری پک اپ گاڑی پکڑی، پولیس اہلکار ملزمان سے ڈیل کر رہے تھے اس دوران سول لائن پولیس نے چھاپہ مار دیا۔پولیس نے دو اہلکاروں سمیت محمد طلحہ علی رضا کے خلاف مقدمہ درج کر کے تحقیقات شروع کر دی۔ ملزمان کے خلاف امتناع منشیات اور پولیس آڈر 2002ء کے تحت مقدمہ درج کیا گیا ہے۔