لاہور میں بھائیوں نے غیرت کے نام پر ماں اور بہن کو قتل کردیا، ملزمان باپ سمیت گرفتار

2 ماہ قبل ماں بیٹی کے گھر سے بھاگنے کا مقدمہ درج کراویا گیا تھا، گزشتہ روز گھر پہنچیں تو سفاک بیٹوں نے گلے کاٹ دیئے

جمعہ 2 مئی 2025 18:05

لاہور میں بھائیوں نے غیرت کے نام پر ماں اور بہن کو قتل کردیا، ملزمان ..

لاہور (اُردو پوائنٹ اخبارتازہ ترین - این این آئی۔ 02 مئی2025ء) صوبائی دارالحکومت لاہور میں بھائیوں نے غیرت کے نام پر ماں اور بہن کو قتل کردیا، پولیس نے باپ اور دونوں بیٹوں کو گرفتار کرلیا۔پولیس کے مطابق لاہور کے علاقے کاہنہ میں ماں اور بیٹی کو قتل کرنے کا واقعہ پیش آیا، جس میں مقتولہ کے دونوں بیٹوں نے ماں رخسانہ اور بیٹی رمشا کو تیز دھار آلے سے گلا کاٹ کر قتل کردیا۔

(جاری ہے)

حکام کا کہنا ہے کہ دہرے قتل کی واردات میں دونوں ملزمان بھائیوں کی عمریں 15سے 17سال کے درمیان ہیں جن میں علی حسن اور زین کو کو والد یوسف سمیت گرفتار کرلیا گیا ۔ پولیس نے واقعے کی اطلاع ملتے ہی کارروائی شروع کی اور صوئے آصل میں ہونیو الی دہرے قتل کی واردات کے ملزمان کو ایک گھنٹے میں حراست میں لے لیا۔ڈی آئی جی آپریشنز فیصل کامران نے پولیس کی مدعیت میں واقعے کا مقدمہ درج کرنے کا حکم دے دیا۔یاد رہے کہ 2ماہ قبل ماں بیٹی کے گھر سے بھاگنے کا مقدمہ 2506/25درج کراویا گیا تھا۔ گزشتہ روز ماں بیٹی واپس گھر پہنچیں تو سفاک بیٹوں نے گلے کاٹ کر قتل کر دیا۔