Live Updates

پاکستان بھارت کیخلاف مضبوط کیس بنا کردنیا کے سامنے رکھے، علی محمد خان

اگربھارت نے کوئی حرکت کی تو بھرپورجواب دیں گے، اس بار ہم کوئی چائے نہیں پلائیں گے، نجی ٹی وی پروگرام میں گفتگو

جمعہ 2 مئی 2025 20:35

پاکستان بھارت کیخلاف مضبوط کیس بنا کردنیا کے سامنے رکھے، علی محمد خان

اسلام آباد (اُردو پوائنٹ اخبارتازہ ترین - این این آئی۔ 02 مئی2025ء)رہنماء پی ٹی آئی علی محمد خان نے کہا ہے کہ پاکستان کوبھارت کیخلاف مضبوط کیس بنا کردنیا کے سامنے رکھنا ہوگا۔نجی ٹی وی پروگرام میں بات کرتے ہوئے کہاکہ علی محمد خان نے کہا کہ پہلگام واقعہ کا بھارت نیبغیر تحقیق کیالزام لگایا، بھارتی جارحیت کیخلاف تمام سیاسی جماعتیں متحد ہے۔

(جاری ہے)

انہوں نے کہا کہ اس اتفاق رائے سے فائدہ اٹھا کربانی پی ٹی آئی کو جیل سے باہرلایا جائے، عمران خان سیاسی قیدی ہیں، اتفاق رائے سے سیاسی معاملات کوبھی بہترکرنا ہوگا۔انہوں نے کہا کہ بانی جیسا لیڈر باہر ہوتا تو بھارت کو بھرپورجواب دیتا، نوازشریف کی طرف سے ابھی تک بھارت کیخلاف کوئی بیان نہیں آیا، بانی پی ٹی آئی نے کہا وطن کے دفاع کیلئے سب ایک ہیں، جعفر ایکسپریس،بنوں کینٹ واقعہ، ہمیں دنیا کیسامنے پیش کرنا چاہیے، دنیا کو بھارت کا اصل چہرہ دکھانے کی ضرورت ہے۔علی محمد خان نے کہاکہ پاکستان کو بھارت کیخلاف مضبوط کیس بنا کردنیا کے سامنے رکھنا ہوگا، اگربھارت نے کوئی حرکت کی تو بھرپورجواب دیں گے، اس بار ہم کوئی چائے نہیں پلائیں گے۔