Live Updates

27 سال سے مقبوضہ کشمیر پولیس میں نوکری کرنے والے اہلکار کو بھارت چھوڑنے کا حکم

جمعہ 2 مئی 2025 23:01

سرینگر (اُردو پوائنٹ اخبارتازہ ترین - این این آئی۔ 02 مئی2025ء)مقبوضہ وادی کی پولیس میں سالو ں سے خدمات انجام دینے والے اہلکار بھی ہندو انتہا پسند مودی سرکار کی سازشوں کا نشانہ بن گئے۔مقبوضہ کشمیر کی پولیس کے ایک اہلکار نے صحافی سے گفتگو کرتے ہوئے بتایا کہ 27 سال سے جموں و کشمیر پولیس میں خدمات انجام دے رہاہوں، ہائیکورٹ کا واضح حکم ہے ہمیں جموں وکشمیر سے باہر نہیں بھیجا جائیگا۔

(جاری ہے)

کشمیری پولیس اہلکار کے مطابق پولیس کے اعلیٰ حکام بھارتی ہائیکورٹ کا فیصلہ تسلیم نہیں کر رہے، بھارتی پاسپورٹ کے باوجود یہاں سے بیدخلی پرکیوں مجبور کیاجا رہا ہے۔اہلکار کے اہلخانہ کے مطابق ہمارا پاکستان میں کوئی نہیں ہے، عرصہ دراز سے یہیں مقیم ہیں۔دوسری جانب دفاعی ماہرین کا کہنا ہے کہ انسانی حقوق کی تنظیموں کو مقبوضہ کشمیر میں انسانی جرائم کا نوٹس لینا چاہیے۔