Live Updates

پاکستان اور بھارت تحمل کا مظاہرہ کریں، یورپین یونین

پاکستان اور بھارت کے درمیان بڑھتی ہوئی کشیدگی تشویشناک ہے، کاجا کلاس

ہفتہ 3 مئی 2025 17:09

پاکستان اور بھارت تحمل کا مظاہرہ کریں، یورپین یونین

برسلز (اُردو پوائنٹ اخبارتازہ ترین - این این آئی۔ 03 مئی2025ء)یورپین یونین نے پاکستان اور بھارت کے درمیان بڑھتی ہوئی کشیدگی پر تشویش کا اظہار کرتے ہوئے دونوں فریقین پر زور دیا ہے کہ وہ تحمل کا مظاہرہ کریں۔غیرملکی خبررساں ادارے کے مطابق یہ بات یورپین خارجہ امور کی سربراہ کاجا کلاس نے پاکستان اور بھارت کے وزرائے خارجہ کے ساتھ ٹیلیفون پر بات کرتے ہوئے کہی۔

(جاری ہے)

اپنے سوشل میڈیا اکائونٹ ایکس پر اس بات کی اطلاع دیتے ہوئے یورپین خارجہ امور کی سربراہ کاجا کلاس نے بتایا کہ انہوں نے آج پاکستانی وزیر خارجہ اسحاق ڈار اور بھارتی وزیر خارجہ ڈاکٹر جے شنکر سے ٹیلی فون پر گفتگو کی ۔ اپنی گفتگو میں انہوں نے کہا کہ پاکستان اور بھارت کے درمیان بڑھتی ہوئی کشیدگی تشویشناک ہے، میں دونوں فریقوں پر زور دیتی ہوں کہ وہ تحمل کا مظاہرہ کریں اور صورتحال کو بہتر کرنے کے لیے بات چیت کو آگے بڑھائیں۔انہوں نے مزید کہا کہ کشیدگی میں اضافہ کسی کی بھی مدد نہیں کرتا۔