پنجاب پولیس کی جرائم پیشہ عناصر کیخلاف کارروائیاں جاری،06 گینگز کے 12 کارندے گرفتار

ہفتہ 3 مئی 2025 23:40

لاہور (اُردو پوائنٹ اخبارتازہ ترین - اے پی پی۔ 03 مئی2025ء) انسپکٹر جنرل پولیس ڈاکٹر عثمان انور کی ہدایت پر پنجاب پولیس جرائم پیشہ عناصر کے خلاف کارروائیوں میں مصروف عمل ہے، 24 گھنٹوں میں 06 گینگز کے 12 کارندے گرفتار کر کے ملزمان کے قبضے سے کلاشنکوف، پسٹلز، رائفلز، ریوالورز اوربندوقوں سمیت 99 ہتھیار وسینکڑوں کی تعداد میں گولیاں برآمد کیں۔

(جاری ہے)

ترجمان پنجاب پولیس نے بتایا کہ ملزمان سے 22 موٹر سائیکلز، 17 موبائل فونز، 04 تولے سونا اور 50 لاکھ روپے نقدی برآمد کی۔اسی طرح 117 اشتہاری، 08 عدالتی مفرور اور 37 عادی مجرم بھی گرفتار کیے گئے، جرائم پیشہ عناصر کے خلاف کارروائیوں میں07 مجرمان کیفر کردار کو پہنچے،03 زخمی ہوئے اور 02 کو گرفتار کیا گیا۔ آئی جی پنجاب نے افسران کو ہدایت دیتے ہوئے کہا کہ جرائم پیشہ افراد کے خلاف آپریشنز جاری رکھیں۔