پولیس ہنی ٹریپ‘ غیر ملکی شہری خاتون سے تفتیش میں مزید پیش رفت

مرینہ خان سوشل میڈیا پلیٹ فارمز پر شہریوں سے رابطہ کر کے ملاقات کے لیے بلاتی تھی ‘لاکھوں روپے برآمد

اتوار 4 مئی 2025 12:40

کراچی (اُردو پوائنٹ اخبارتازہ ترین - این این آئی۔ 04 مئی2025ء)صدر بیرونی پولیس کی ہنی ٹریپ کے ذریعے شہریوں کو لوٹنے کے معاملے میں غیر ملکی شہریت کی حامل خاتون مرینہ خان گینگ سے تفتیش میں مزید پیش رفت ہوئی ہے۔رپورٹ کے مطابق ملزمان سے مزید 5 لاکھ 33 ہزار روپے برآمد کرلیے گئے، گینگ سے قبل ازیں 2 لاکھ 50 ہزار روپے اور اسلحہ برآمد کیا جا چکا ہے۔

(جاری ہے)

گرفتار گینگ میں سرغنہ مرینہ خان پاکستانی نژاد (مشرقی افریقن) ملاوی اسکا شوہر بلال اور دیگر ارکان میں فاروق، طیب، کامران، اور عبدالجبار شامل ہیں۔مرینہ خان سوشل میڈیا پلیٹ فارمز پر شہریوں سے رابطہ کر کے ملاقات کے لیے بلاتی تھی اور پھر گینگ ممبران اسلحہ کی نوک پر اس سے رقم اور قیمتی اشیاء چھین لیتے۔ایس پی صدر نے کہا کہ ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جا? گی، شہریوں کو بلیک میل کر کے لوٹنے والے ملزمان قانون کی گرفت سے نہیں بچ سکتے۔