ش* غریب ٹرانسپورٹرز سے زیادتی نہیں ہونے دیں گے‘امیر جماعت اسلامی فیصل آباد

ی* پاسبان ہائی ایس ویگن ورکرز ایسوسی ایشن کے تمام جائزمطالبات کی مکمل حمایت کااعلان

اتوار 4 مئی 2025 18:55

7 فیصل آباد (اُردو پوائنٹ اخبارتازہ ترین - آن لائن۔ 04 مئی2025ء) جماعت اسلامی کے ضلعی امیر پروفیسر محبوب الزماںبٹ نے پاسبان ہائی ایس ویگن ورکرز ایسوسی ایشن کے تمام جائزمطالبات کی مکمل حمایت کااعلان کرتے ہوئے کہاہے کہ غریب ٹرانسپورٹرز سے زیادتی نہیں ہونے دیں گے۔حکومت کواپنی ہی بنائی ہوئی پالیسیوںسے انحراف نہیں کرنے دیں گے۔ المرکزالاسلامی چنیوٹ بازار میں ہونے والے اجلاس میں ایسوسی ایشن کے صدرمیاںاعجازحسین نے گفتگوکرتے ہوئے کہاکہ انتظامیہ نے ظالمانہ رویہ تبدیل نہ کیا تو 12 مئی کو ڈپٹی کمشنر آفس کے باہر احتجاجی مظاہرہ کرکے ٹرانسپورٹروں پر ہونے والے ظلم کیخلاف بڑا قدم اٹھائیں گے۔

چاہتے ہیںکہ انتظامیہ ٹیبل ٹاک کے ذریعہ ہمارے ساتھ دلیل کے ساتھ بات کرے اور مسائل کا حل تلاش کیا جائے لیکن انتظامیہ مسائل کو لاٹھی گولی سے حل کرنا چاہتی ہے۔

(جاری ہے)

کارکنان پر مقدمات اور گاڑیوں کو بند کیا جا رہا ہے۔ حکومتیں تو غریب عوام کو روزگار فراہم کرتی ہیں ہماری حکومت لوگوں کو بیروزگاری کی دلدل میں دھکیل رہی ہے۔ انہوں نے کہاکہ ضرورت ہے کہ حفاظتی اقدامات بروئے کار لاتے ہوئے و یگنوں اور رکشائوں میں معیاری کٹس، سلنڈرز اور وائرنگ کو یقینی بنایا جائے۔

منسٹرز اور مشیروں کے ویگو ڈالوں اور کاروں کیلئے لگائے گئے ایل پی جی گیس پمپوں سے ویگنوں اور رکشاؤں کو بھی گیس بھروانے کی اجازت دی جائے۔ تینوں صوبوں اور آدھا پنجاب میں سی این جی گیس مہیاء کی جارہی ہے تو وسطی اور جنوبی پنجاب کے ٹرانسپورٹروں کو محروم کیوں رکھا جارہا ہے۔ انہوں نے کہا کہ 12 مئی کو ہونے والے احتجاجی مظاہرہ میں ڈویژن بھر سے کنڈیکٹر ڈرائیورز ویگنوں سمیت شرکت کریں گے جبکہ آٹو رکشے والے بھی مظاہرہ میں شامل ہوںگے۔

اگر انتظامیہ نے اپنا رویہ درست نہ کیا تو پھر اگلی ملاقات تخت لاہور کے سامنے کریں گے۔ اس موقع پر رانا امجد، چوہدری خالد جٹ، ماجد جٹ، سوہنے خان، سرفراز،حافظ علی رضا، بابا کاشی، حاجی محمد سلیم، ظہیر، محمد بابر،حاجی محمد حنیف موہل، چاند، سردار عرف داراگل، بابر جٹ ودیگر بھی موجود تھے۔