Live Updates

وانی کپور کے انسٹاگرام اکائونٹ سے فلم عبیر گلال کی تمام پوسٹس غائب

یہ فلم جہاں فواد خان کی 9 سال بعد بالی ووڈ واپسی کا ذریعہ بننے جا رہی تھی

پیر 5 مئی 2025 11:27

وانی کپور کے انسٹاگرام اکائونٹ سے فلم عبیر گلال کی تمام پوسٹس غائب

ممبئی (اُردو پوائنٹ اخبارتازہ ترین - این این آئی۔ 05 مئی2025ء)بھارتی اداکارہ وانی کپور کے انسٹاگرام اکانٹ سے فلم عبیر گلال سے متعلق تمام پوسٹس غائب ہوگئیں۔بالی ووڈ اداکارہ وانی کپور اور پاکستان کے مقبول ترین اداکاروں میں سے ایک فواد خان کی آنے والی فلم عبیر گلال پر سائے مزید گہرے ہوگئے ہیں۔ یہ فلم جہاں فواد خان کی 9 سال بعد بالی ووڈ واپسی کا ذریعہ بننے جا رہی تھی، وہیں اب اس پر تنازع کھڑا ہو چکا ہے۔

حال ہی میں مقبوضہ کشمیر کے علاقے پہلگام میں حملے کے بعد نا صرف پاک بھارت تعلقات مزید کشیدہ ہو گئے ہیں بلکہ فلم عبیر گلال بھی شدید تنقید اور بائیکاٹ کی زد میں آ چکی ہے، اسی کشیدہ ماحول میں وانی کپور کے انسٹاگرام اکانٹ سے فلم سے متعلق تمام پوسٹس غائب ہو گئیں۔

(جاری ہے)

سوشل میڈیا پر چہ مگوئیاں شروع ہوگئیں کہ وانی کپور نے فواد خان اور فلم عبیر گلال کا تشہیری مواد جان بوجھ کر ڈیلیٹ کردیا ہے تاکہ کسی ممکنہ تنازع یا تنقید سے بچا جاسکے۔

بھارتی میڈیا کی ایک رپورٹ میں انکشاف کیا گیا کہ فلم سے متعلق پوسٹس اصل میں انسٹاگرام کولیبریشن کے ذریعے شیئر کی گئی تھیں اور انہیں فلم کی پروڈکشن ٹیم نے اپنے اختیارات کے تحت حذف کیا۔پہلگام حملے کے بعد بھارتی فلمی ادارے فیڈریشن آف ویسٹرن انڈیا سِنے ایمپلائز (FWICE) نے ایک بار پھر پاکستانی فنکاروں کے بائیکاٹ کا اعلان کیا ہے۔واضح رہے کہ یہ فلم 9 مئی 2025 کو پاکستان اور بھارت میں ریلیز ہونی تھی۔