وزیراعلیٰ کا لاہور میں جرائم میں کمی پر لاہور پولیس کو شاباش

مریم نواز کا کرائم ریٹنگ میں کمی پر پولیس کی کاوشوں کو سراہا، لاہور میںجرائم میں کمی کو خوش آئند قرار عوام کے جان و مال کا تحفظ ریاست کی ذمہ داری،شہری امن وامان کے قیام کیلئے پولیس سے تعاون اور معاونت کریں‘شہریوں سے اپیل کرائم فائٹنگ کی بہتر حکمت عملی کی بدولت لاہور سیف سٹی میں شامل ، سی ٹی ڈی کو فعال کردیا ،لاہور سمیت ہر شہر کو محفوظ ترین بنائیں گے

پیر 5 مئی 2025 17:29

وزیراعلیٰ کا لاہور میں جرائم میں کمی پر لاہور پولیس کو شاباش

لاہور (اُردو پوائنٹ اخبارتازہ ترین - این این آئی۔ 05 مئی2025ء) وزیراعلیٰ پنجاب مریم نواشریف نے لاہور میں جرائم میں کمی پر لاہور پولیس کو شاباش دی ہے۔ وزیراعلیٰ مریم نوازشریف سے آئی جی ڈاکٹر عثمان انور ، سی سی پی او بلال صدیق کمیانہ ،ڈی آئی جی ایڈمن عمران کشور، ڈی آئی جی آپریشنزلاہورفیصل کامران اور ڈی آئی جی انویسٹی گیشن ذیشان رضا نے ملاقات کی۔

وزیراعلیٰ مریم نوازشریف کی طرف سے پولیس ٹیم کو ظہرانہ بھی دیا گیا۔ملاقات میںوزیراعلیٰ مریم نوازشریف نے کرائم ریٹنگ میں کمی پر پولیس کی کاوشوں کو سراہا۔ وزیراعلیٰ مریم نوازشریف نے لاہور میں جرائم میں کمی کو خوش آئند قرار دیا ہے۔وزیراعلیٰ مریم نووازشریف نے کہا کہ ہر شہری کے جان ومال کا تحفظ ریاست کی زمہ داری ہے۔

(جاری ہے)

شہری امن و امان کے قیام کے لئے پولیس سے تعاون و معاونت کریں۔

رینکنگ متعارف کرانے سے لاہور سمیت دیگر شہروں میں کرائم کی شرح میں کمی آرہی ہے۔ کرائم کا گراف نیچے آنا شاندار پولیسنگ کا نتیجہ ہے۔وزیراعلیٰ مریم نوازشریف نے کہا کہ لاہورپولیس آپریشن ونگ کی کارکردگی کی بنیاد پر کرائم انڈکس میں لندن اور نیویارک سے محفوظ شہر قرار دیا جانا اہم سنگ میل ہے۔کرائم فائٹنگ کی بہتر حکمت عملی کی بدولت لاہور سیف سٹی میں شامل ہوچکا ہے۔

لائن اینڈ آرڈر کے چیلنجز کے باوجود کرائم میں کمی کا ہدف پورا ہونا بہترین ٹیم ورک کا نتیجہ ہے۔ وزیراعلیٰ مریم نوازشریف نے کہا کہ سی ٹی ڈی کو فعال کردیا گیا ہے ۔ لاہور سمیت ہر شہر کو محفوظ ترین بنائیں گے۔ ’’کے پی آئی‘‘ متعارف کرانے سے پولیس اور انتظامیہ کی پرفارمنس بہتر ہوئی ہے۔ جدید ٹیکنالوجی ، فوری فیڈ بیک اور موثر مانیٹرنگ سے پولیسنگ کو بہتر بنایا گیا ہے۔پولیس میں احتساب کے عمل کو یقینی بنایا گیا ہے۔