وزیراعظم محمد شہباز شریف کا سٹیٹ بینک کی جانب سے پالیسی ریٹ میں ایک فیصد کمی پر اظہار اطمینان

پیر 5 مئی 2025 18:11

اسلام آباد (اُردو پوائنٹ اخبارتازہ ترین - اے پی پی۔ 05 مئی2025ء) وزیراعظم محمد شہباز شریف نے سٹیٹ بینک آف پاکستان کی جانب سے پالیسی ریٹ میں ایک فیصد کمی پر اطمینان کا اظہار کرتے ہوئے کہا ہے کہ پالیسی ریٹ میں کمی کاروبار، صنعتوں، زراعت ، سرمایہ کاری اور برآمدات کے لئے خوش آئند ہے ۔

(جاری ہے)

پیر کو وزیراعظم آفس کے میڈیا ونگ کی طرف سے جاری بیان کے مطابق وزیراعظم نے کہا کہ پالیسی ریٹ میں کمی سے تاجروں اور سرمایہ کاروں کو ریلیف فراہم ہوگا ۔

انہوں نے کہا کہ اپریل 2025 کے مہینے میں مہنگائی کی شرح 0.30 فیصد تک آنا انتہائی خوش آئند ہے ، معاشی اشاریے مثبت سمت میں گامزن ہیں، معیشت مستحکم بنیادوں پر آگے بڑھ رہی ہے ۔ وزیراعظم نے کہا کہ معیشت کی بحالی کیلئے وفاقی وزیرخزانہ اور ان کی ٹیم کی کوششیں لائق تحسین ہیں۔