Live Updates

پاک فوج نے دشمن کے مزید 4 ڈرون مار گرا دئیے

پاک فوج نے پکھلیاں، سیالکوٹ سیکٹر میں پاکستانی حدود میں دراندازی کرنے کی کوشش کرنے والے ڈورنز کو نشانہ بنایا، جدید دفاعی اور تکنیکی ای ڈبلیو صلاحیتوں کی وجہ سے نیچے اتار کر دو مزید بھارتی ڈرونز کو قبضے میں لے لیا گیا، سیکورٹی ذرائع

فیصل علوی بدھ 7 مئی 2025 16:01

راولپنڈی(اردوپوائنٹ اخبار تازہ ترین۔07 مئی 2025)پاک فوج نے دشمن کے مزید 4 ڈرون مار گرا دئیے، سکیورٹی ذرائع کے مطابق بھارتی ڈرونز نے پاکستانی حدود میں دراندازی کرنے کی کوشش کی، پاک فوج نے پکھلیاں، سیالکوٹ سیکٹر میں کارروائی کرتے ہوئے بھارتی فوج کے چار اور ڈرونز کو مار گرایا، پاک فوج نے کوٹلی سیکٹر میں بھارتی فوج کا ایک اورڈرون بھی مار گرایا تھا، پاکستان نے جدید دفاعی اور تکنیکی ای ڈبلیو صلاحیتوں کی وجہ سے نیچے اتار کر دو مزید بھارتی ڈرونز کو قبضے میں بھی لے لیا تھا۔

بھارتی فوج کی جانب سے ڈرون کے ذریعے در اندازی کی ناکام کوشش کی جا رہی تھی۔ سکیورٹی ذرائع کا یہ بھی کہنا ہے کہ اس سے قبل برنالہ، شکر گڑھ اور کوٹلی سیکٹر میں بھی بھارت کے تین ڈرونز گرائے جا چکے ہیں۔

(جاری ہے)

اب تک کل 7 بھارتی ڈرونز گرائے جا چکے ہیں ان میں ایک بڑا ہیرون مسلح ڈرون بھی ہے۔سیکورٹی ذرائع کے مطابق پاک فوج دشمن کی ہر جارحیت کا بھرپور جواب دے رہی ہے۔

پاک افواج دشمن کی ننگی جارحیت کا منہ توڑ جواب دے رہی ہے۔واضح رہے کہ اس سے قبل بھی پاک فوج نے ایک اور بھارتی ڈرون مارا گرایاتھا۔ڈرون کے ذریعے دراندازی کی ناکام کوشش صبح کے وقت کی گئی تھی۔پاک فوج نے دشمن کی جانب سے دراندازی کی ایک اور کوشش ناکام بنا دی تھی۔سکیورٹی ذرائع کا کہنا تھا کہ شکرگڑھ سیکٹر میں پاکستان رینجرز نے بھارتی فوج کا ڈرون مارا تھا۔

بھارتی ڈرون آج صبح کے وقت پاکستانی حدود میں داخل ہونے کی کوشش کر رہا تھا۔بھارت کے تباہ ہونے والے ڈرون کی تعداد2ہو گئی تھی۔سیکیورٹی ذرائع کے مطابق پاک فوج دشمن کی ہر جارحیت کا منہ توڑ جواب دے رہی تھی۔سیکورٹی ذرائع کا یہ بھی کہنا تھا کہ دشمن کی جانب سے یہ دراندازی ایک منظم منصوبے کے تحت کی جا رہی تھی تاہم پاک فوج ہر ممکن طریقے سے ملکی خودمختاری کا دفاع کر رہی تھی۔

قبل ازیں گزشتہ رات پاک فوج بھارتی جارحیت کا منہ توڑ جواب دیتے ہوئے دشمن کے 5 جنگی طیارے مار گرا دئیے تھے جبکہ ان کا انفنٹری بریگیڈ ہیڈ کوارٹر اور 6 مہار یونٹ کا بٹالین ہیڈکوارٹر بھی تباہ کر دیاتھا۔سکیورٹی ذرائع کاکہنا تھاکہ مار گرائے گئے طیاروں میں 3 رافیل، ایک مگ 29 اور ایس یو 30 شامل تھے۔ پاک فضائیہ نے بھارت کا ایک اور رافیل طیارہ مار گرایا تھا۔

ایوانتی پورا کے جنوب مغرب میں 17 ناٹیکل میل میں بھارت کا رافیل طیارہ مار گرایا گیا تھا۔ سکیورٹی ذرائع مزید کہنا تھاکہ پاکستانی فضائیہ نے بھارتی جارحیت کا بھرپور جواب دیاتھا۔دشمن کا ایک جہاز بھٹنڈا میں اور دوسرا اکھنور میں مار گرایا گیا تھا پاک فضائیہ نے دشمن کا تیسرا 17 ناٹیکل مائل رافیل طیارہ ایوانتی پورا کے جنوب مغرب میں مار گرایا تھا۔