Live Updates

وزیراعلیٰ پنجاب کی شہریوں کو گھروں سے غیر ضروری باہر نہ نکلنے کی ہدایت

عوام افواہوں پر کان نہ دھریں صرف سرکاری ذرائع سے معلومات لیں، وزیراعلیٰ مریم نوازشریف کے متعلقہ اداروں کو ہنگامی بنیادوں پر الرٹ رہنے کے احکامات

ثنااللہ ناگرہ بدھ 7 مئی 2025 21:28

وزیراعلیٰ پنجاب کی شہریوں کو گھروں سے غیر ضروری باہر نہ نکلنے کی ہدایت

لاہور(اردوپوائنٹ اخبارتازہ ترین۔ آئی پی اے ۔ 07 مئی 2025ء ) وزیراعلیٰ پنجاب مریم نواز شریف نے بہاولپور اوردیگر شہروں پر بھارتی جارحیت کی شدید مذمت کی ہے۔ وزیر اعلیٰ مریم نوازشریف نے کہا کہ عوام پاک فوج کے شانہ بشانہ کھڑی ہیں، شروع بھارت نے کیا ختم ہم کریں گے۔ امن چاہتے ہیں، مگر عزت کے ساتھ،جنگ مسلط کی گئی تو پوری قوم ایک لشکر بنے گی۔ وزیراعلیٰ مریم نوازشریف نے کہا کہ ریسکیو 1122، ضلعی انتظامیہ، اسپتالوں، اور دیگر متعلقہ اداروں کو ہنگامی بنیادوں پر الرٹ رہیں۔

شہری غیر ضروری طور پر گھروں سے باہر نہ نکلیں۔شہری دفاع (Civil Defence) کی ہدایات پر سختی سے عمل کریں۔وزیراعلیٰ مریم نوازشریف نے عوام سے اپیل کی ہے کہ افواہوں پر کان نہ دھریں، صرف سرکاری ذرائع سے معلومات لیں۔

(جاری ہے)

زخمیوں یا متاثرہ افراد کی اطلاع فوری قریبی ہسپتال یا ریسکیو ادارے کو دیں۔ وزیراعلیٰ مریم نواز شریف نے پاک فضائیہ کو بھارت کے جنگی طیارے مار گرانے پر شاندار الفاظ میں خراجِ تحسین پیش کرتے ہوئے کہا کہ بھارت کا غرور، تکبر اور جھوٹا پروپیگنڈہ فضاؤں میں جل کر راکھ ہو چکا ہے۔

پاک فضائیہ دنیا پر واضح کر دیا کہ پاکستان امن کا خواہاں ضرور ہے، مگر دفاع پر کوئی سمجھوتہ نہیں کرے گا۔ یہ صرف دفاع نہیں، پاک فوج نے تاریخ رقم کر دی۔ پاکستان نے دنیا کو بتا دیا ہے کہ یہ پاکستان ہے اسے آزمانے والے ہمیشہ پچھتاتے ہیں۔قوم کو اپنی افواج پر فخر ہے،اپنے جوانوں اور پائلٹس کو سلام پیش کرتے ہیں۔مزید برآں وزیراعظم شہبازشریف نے قومی اسمبلی میں خطاب کرتے ہوئے کہا کہ روایتی جنگ میں پاکستان کوپیچھے چھوڑنے کے دعویداروں کوواضح پیغام مل گیا، بھارت کے مکروہ عزائم کوناکام بناکر بہادرافواج نے تاریک رات کوروشن کردیا، رافیل طیاروں کے تکبر میں مبتلا بھارت کومؤثرجواب دیا گیا، بھارت نے حملے میں عورتوں اوربچوں سمیت نہتے افراد کوشہید کیا۔

پاکستان نے احتیاط سے کام لیا ورنہ دس بھارتی طیارے تباہ کرسکتے تھے، دفاع وطن کے لئے خون کے نذرانے دینے والے ہمارے محسن ہیں، شہداء کی قربانیوں کی وجہ سے ہماری سرحدیں محفوظ ہیں، وزیراعظم شہبازشریف نے خطاب میں کہا کہ ہم نے احتیاط سے کام لیا چاہتے تو انڈیا کے 10 طیارے گرا سکتے تھے ہم جوہری طاقت ہیں لیکن کل رات ہم نے روایتی ہتھیاروں سے ہی انڈیا کو پیچھے چھوڑ دیا کل کا جو واقعہ ہوا جس میں اللہ نے پاکستان کو عظیم فتح عطا فرمائی اس کی وجہ ہماری بھرپور تیاری اور مسلح افواج کی صلاحیت کا منہ بولتا ثبوت ہے۔