Live Updates

روہت شرما کی ریٹائرمنٹ کے بعد بھارت کا اگلا ٹیسٹ کپتان کون

روہت شرما کی ریٹائرمنٹ کے بعد دورہ انگلینڈ میں بھارتی ٹیم کی قیادت شبھمن گل کا مقدر بن سکتی ہے‘بھارتی میڈیا

پیر 12 مئی 2025 12:17

روہت شرما کی ریٹائرمنٹ کے بعد بھارت کا اگلا ٹیسٹ کپتان کون

نئی دہلی (اُردو پوائنٹ اخبارتازہ ترین - این این آئی۔ 12 مئی2025ء)بھارت کو ایک سال میں دو آئی سی سی ٹرافی دلانے والے بھارتی کپتان روہت شرما کے ٹیسٹ کرکٹ سے ریٹائرمنٹ کے بعد نئے کپتان کا نام سامنے آیا ہے۔بھارت نے آئندہ ماہ جون میں انگلینڈ جا کر پانچ ٹیسٹ میچوں کی سیریز کھیلنی ہے۔ تاہم سیریز سے قبل اور آئی پی ایل کے درمیان بھارت کو ایک سال کے مختصر عرصہ میں دو آئی سی سی ٹرافیاں (ٹی ٹوئنٹی ورلڈ کپ اور چیمپئنز ٹرافی) جتوانے والے کپتان روہت شرما کے اچانک ٹیسٹ کرکٹ سے ریٹائرمنٹ کے بعد نئے کپتان کے نام کی بازگشت شروع ہو گئی ہے۔

بھارتی میڈیا کے مطابق روہت شرما کی ریٹائرمنٹ کے بعد دورہ انگلینڈ میں بھارتی ٹیم کی قیادت شبھمن گل کا مقدر بن سکتی ہے۔ رپورٹ کے مطابق ٹیسٹ ٹیم کے نائب کپتان جسپریت بمراہ جنہوں نے آسٹریلیا میں بارڈر گواسکر ٹرافی کے دوران روہت شرما کی غیر موجودگی میں بھارتی ٹیم کی کپتانی کی تھی۔

(جاری ہے)

تاہم کام کی زیادتی اور مسلسل فٹنس مسائل کے باعث سلیکٹرز انہیں مکمل طور پر قیادت کا بوجھ دینا نہیں چاہتے۔

رواں ماہ کے آخر میں بھارتی چیف سلیکٹر اجیت اگرکر کی قیادت میں سلیکشن کمیٹی کی میٹنگ میں دورہ انگلینڈ کے لیے ٹیم کا انتخاب متوقع ہے۔دورہ انگلینڈ سے بھارت اگلے ورلڈ ٹیسٹ چیمپئن شپ سائیکل 27-2025 کا آغاز کرے گی اور سلیکٹرز ٹیم کے مستقبل کو مدنظر رکھتے ہوئے ایسا کپتان چاہتے ہیں جو چند سال تک ٹیم کی قیادت کا بوجھ اٹھا سکے اور اس کے لیے 25 سالہ شبھمن گل ترجیحی آپشن بن سکتے ہیں۔

واضح رہے کہ شبھمن گل کو حال ہی میں روہت شرما کے ساتھ ون ڈے ٹیم کا نائب کپتان بنایا گیا تھا۔ جب کہ وہ بھارت کے لیے ٹی ٹوئنٹی فارمیٹ میں بھی کپتان کر سکتے ہیں۔ کے لیے ٹی ٹوئنٹی کی کپتانی کر چکے ہیں۔ اگر شبھمن کو ٹیسٹ فارمیٹ کا کپتان بنایا جاتا ہے تو بطور کپتان دورہ انگلینڈ ان کی پہلی آزمائش ہوگا۔شبھمن گل نے دسمبر 2020 میں ملیبرن میں انٹرنیشنل ڈیبیو کیا اور اب تک 32 ٹیسٹ میچوں میں 5 سنچریوں اور 7 نصف سنچریوں کی مدد سے 1893 رنز بنا چکے ہیں۔