Live Updates

9 مئی کی رات بھارت نے ہماری بیسز پر حملہ کیا تو وزیراعظم نے کہا اب بہت ہوچکا ،اسحاق ڈار

آپریشن بنیان مرصوص میں نواز شریف کی مشاورت بھی شامل تھی، ہمارا بھارت کو جواب دینے کے حوالے سے پورا پلان طے ہوا تھا، جب بھارت نے حملہ کیا تو ہم نے انکے طیارے گرائے، نائب وزیراعظم کا بیان

فیصل علوی پیر 12 مئی 2025 11:50

9 مئی کی رات بھارت نے ہماری بیسز پر حملہ کیا تو وزیراعظم نے کہا اب بہت ..

اسلام آباد(اردوپوائنٹ اخبار تازہ ترین۔12 مئی 2025)نائب وزیراعظم اور وزیر خارجہ اسحاق ڈار کا کہنا ہے کہ 9 مئی کی رات بھارت نے ہماری بیسز پر حملہ کیا تو صبرکا پیمانہ لبریز ہوا اس کے بعد وزیراعظم نے کہا اب بہت ہوچکا ہے، آپریشن بنیان مرصوص میں نواز شریف کی مشاورت بھی شامل تھی، بھارت نے 9 مئی کو ہمارے فضائی اڈوں پر حملہ کیا تو وزیراعظم نے کہا اب بہت ہوچکا، ہمارا بھارت کو جواب دینے کے حوالے سے پورا پلان طے ہوا تھا،اپنے ایک بیان میں نائب وزیراعظم نے کہا کہ پورے آپریشن میں صدر ن لیگ نوازشریف کی مشاورت شامل تھی۔

ہم نے متحد ہو کردنیا کو ایک پیغام دینا تھا جب بھارت نے حملہ کیا تو ہم نے انکے طیارے گرائے۔نائب وزیراعظم نے کہا کہ 5مئی تک ہرکوئی کہتاتھا صبروتحمل کامظاہرہ کریں۔

(جاری ہے)

ہم نے سب کو کہاتھا ہم پہل نہیں کریں گے۔ ہم نے کہا تھا اگر حملہ ہواتو جواب ضرور دیں گے ہم نے جوکہا وہی کیا۔اسحاق ڈار نے کہا کہ کشیدگی کے دوران دیگرممالک درخواست کررہے تھے کہ ہم بھارت سے بات کرتے ہیں مگر بھارت کسی کی سننے کو تیار نہیں تھا۔

ان کا کہنا ہے کہ 8 مئی کوہم نے انکے 29 ڈرونز گرائے پھر۔نائب وزیر اعظم نے اپنے بیان میںمزید کہا کہ پہلگام واقعے کے وقت میں وزیراعظم شہبازکے ہمراہ انقرہ میں تھا۔ ہم نے واقعے کے بعد 100 سے زائد سفارتکاروں سے رابطے کئے اور اپنی غیرجانبدارانہ تحقیقات کی پیش کش سے آگاہ کیا۔وزیراعظم شہبازشریف نے دیگرجماعتوں سے بھی مشاورت کی تھی۔ سلامتی کونسل کے ممبران کوبھی ہم نے آگاہ کیا تھا اور بتایا تھا کہ پہلگام سے ہمارا کوئی لینا دینا نہیں اور یہ بات دنیا کے سامنے بھی رکھی تھی۔

انہوں نے کہا کہ شاید 10 سے 15 جہاز گرتے مگر جن جن جہازوں نے پے لوڈ پھینکے انہیں نشانہ بنایا جس کی وجہ سے پانچ گرائے۔ بھارت نے چار میزائل فائر کئے جن میں سے تین امرتسر پر گرے اور ایک پاکستان کی فضائی حدود کی طرف آیا تو ہم نے اسے تباہ کردیا۔ہم نے سفارت کاری کے دوران ہم پہل نہیں کریں گے۔ ہم نے کہا تھا اگر حملہ ہواتو جواب ضرور دیں گے۔ہم نے تمام ممالک سے کہا تھا کہ ہم پہلگام واقعہ کی شفاف او ر غیر جانبدارانہ تحقیقات چاہتے ہیں۔